ગુજરાતનું યુવાધન બરબાદીના રસ્તે, ઇન્જેક્શનથી ડ્રગ્સનો ડોઝ લઇ નશો કરી રહ્યો છે યુવક- જુઓ વિડીયો

વડોદરા(Vadodara): શહેરના સમા-નિઝામપુરા(Sama-Nizampura) રોડ પર આવેલ સોસાયટીમાં એક વ્યક્તિ હાથમાં ઇન્જેક્શન લઇ ડ્રગ્સનો નશો(Drug addiction) કરતો હોવાનો વિડીયો વાયરલ(Viral video) થતા ખળભળાટ મચી જવા પામ્યો છે. પાંચ મહિના અગાઉ એક ડ્રગ્સ એડિક્ટનું મોત થતાં હંગામો મચ્યો હતો તે જગ્યાનો જ આ વિડીયો હોવાથી ડ્રગ્સ એડિક્ટ આ વિસ્તારમાં કેટલા સક્રિય છે તે જોઈ શકાય છે.

 

View this post on Instagram

 

A post shared by Trishul News (@trishulnews)

મહત્વનું છે કે, વડોદરાના સમા-નિઝામપુરા વિસ્તારમાં આવેલ એક સોસાયટીના કમ્પાઉન્ડમાં જ એક યુવક હાથ પર ઇન્જેક્શન દ્વારા ડ્રગ્સનો ડોઝ લઇ નશો કરી રહ્યો હોવાનો વિડીયો સોશિયલ મીડિયામાં વાયરલ થઇ રહ્યો છે. આ એ જ જગ્યા છે જ્યાં પાંચ મહિના પહેલા ડ્રગ્સનો ઓવરડોઝ લેવાને કારણે વિવેક કરણ નામના યુવકનું મોત થયું હતું. તેમજ તેના મોત પછી પોલીસ તપાસ કરી રહી હતી ત્યારે તેને ડ્રગ્સ સપ્લાય કરતા શખ્સે વિવેકનો એક વિડીયો પણ બનાવ્યો હોવાનું બહાર આવ્યું હતું. જે વિડીયોમાં વિવેક કરણ નામનો યુવક પોતે પોતાની જાતે જ ડ્રગ્સનો ઓવરડોઝ લઇ રહ્યો હોવાનું કહી રહ્યો હતો.

અત્રે ઉલ્લેખનીય છે કે, ફરી એકવાર એક યુવક ડ્રગ્સનો નશો કરી રહ્યાનો વિડીયો સામે આવતા પોલીસની કામગીરી પર પણ અનેક સવાલ ઉઠી રહ્યા છે. કારણે કે સોસાયટીમાં સરેઆમ ડ્રગ્સનો નશો થઇ રહ્યો છે. બીજી બાજુ વડોદરા શહેર અને જિલ્લામાંથી ATS દ્વારા કરોડો રૂપિયાનું ડ્રગ્સ અને ડ્રગ્સ બનાવતી ફેક્ટરીઓ ઝડપી પાડવામાં આવી રહી છે.