સુરતના વેસુમાં રેસ્ટોરન્ટની આડમાં ધમધમી રહેલા કપલ બોક્સ ઝડપાયા- જાણો એસીની ચીલ્ડ ઠંડકથી સજ્જ કપલબોક્સમાં હોય છે શું?

સુરત(Surat): શહેરના વેસુ(Vesu) વિસ્તારમાં ધમધમી રહેલું કપલ બોક્સ(Couple box) ઝડપી પાડવામાં આવ્યું છે. શહેરના વેસુ વિસ્તારમાં કી & કા રેસ્ટોરન્ટ(Ki & Ka Restaurant)ની આડમાં ધમધમતું કપલ બોક્સ પોલીસ દ્વારા ઝડપી પાડવામાં આવ્યું છે. મળતી માહિતી અનુસાર, કેનાલ વોક સોંપર્સના બીજા માળે LCB ઝોન 3 દ્વારા દરોડા પાડવામાં આવ્યા હતા.

 

દરોડા પાડવાના આવતા 10 જેટલા કપલબોક્સ ઝડપી પાડવામાં આવ્યા હતા. રેસ્ટોરન્ટની આડમાં 10 જેટલા કપલબોક્સ ધમધમી રહ્યા હતા. હાલમાં રેસ્ટોરન્ટના માલિક અભિષેક ગોસ્વામીની ધરપકડ કરી લેવામાં આવી છે. હાલમાં ઉમરા પોલીસ દ્વારા આગળની તપાસ હાથ ધરવામાં આવી છે.

આ પહેલા પણ અનેકવાર પોલીસ દ્વારા કપલ બોક્સ ઝડપી પાડવામાં આવ્યા છે. લોકોની પણ માંગણીઓ ઉઠી હતી કે, કપલ બોક્સ બંધ કરવામાં આવે ત્યારે ઘણા બધા કપલ બોક્સ બંધ થઇ ગયા હતા. ત્યારે રેસ્ટોરન્ટની આડમાં કપલ બોક્સ ઝડપી પાડવામાં આવ્યા છે.