November 05, 2024
ITR Last Date: નાણાકીય વર્ષ(Financial Year) 2021-22 માટે આવકવેરા રિટર્ન ફાઈલ(Income Tax Return) કરવાનો આજે છેલ્લો દિવસ છે. જો તમે હજુ સુધી તમારું રિટર્ન ફાઈલ કર્યું નથી, તો આજે જ સબમિટ કરો.નહિતર મોટો દંડ ભરવો પડી શકે છે. તમને જણાવી દઈએ કે ITR સબમિટ કરવાની અંતિમ તારીખ પૂરી થવાના એક દિવસ પહેલા સુધી પાંચ કરોડથી વધુ રિટર્ન ફાઈલ કરવામાં આવ્યા છે. આજે રવિવાર હોવા છતાં દેશભરમાં આયકર સેવા કેન્દ્રો કરદાતાઓની મદદ માટે ખુલ્લા રહેશે.
આજે જ કરી દો ITR ફાઈલ:
આવકવેરા વિભાગે શનિવારે તેના સત્તાવાર ટ્વિટર હેન્ડલ પર રિટર્ન ફાઇલ કરનારાઓ વિશે માહિતી આપી હતી. આ સાથે, કરદાતાઓને નિર્ધારિત તારીખ 31 જુલાઈ 2022 સુધીમાં એટલે કે આજે રાત્રે 11.59 PM સુધીમાં આવકવેરા રિટર્ન (ITR) ફાઇલ કરવા વિનંતી કરવામાં આવી હતી. વિભાગે કહ્યું છે કે, દંડથી બચવા માટે રિટર્ન નિર્ધારિત સમય સુધીમાં સબમિટ કરવું આવશ્યક છે.
માત્ર શનિવાર સાંજ સુધીમાં 5 કરોડથી વધુ રિટર્ન જમા થયા છે:
આવકવેરા વિભાગે જણાવ્યું કે મૂલ્યાંકન વર્ષ 2022-23 માટે શનિવારે રાત્રે 8.36 વાગ્યા સુધી પાંચ કરોડથી વધુ રિટર્ન ફાઈલ કરવામાં આવ્યા છે. અગાઉ 29 જુલાઈ સુધી 4.52 કરોડ ITR ફાઈલ કરવામાં આવ્યા હતા.
Trending News
રવિવાર હોવા છતાં આવકવેરા સેવા કેન્દ્ર ખુલશે:
આવકવેરા રિટર્ન ભરવાનો આજે છેલ્લો દિવસ છે. પણ આજે રવિવાર પણ છે. રવિવારે સરકારી કચેરીઓ બંધ રહે છે. આને ધ્યાનમાં રાખીને સરકારે નિર્ણય લીધો છે કે આજે રવિવાર હોવાથી દેશભરના આયકર સેવા કેન્દ્રો ખુલ્લા રહેશે. આવકવેરા વિભાગની નિયમનકારી સંસ્થા સેન્ટ્રલ બોર્ડ ઓફ ડાયરેક્ટ ટેક્સિસ (CBDT) તરફથી પણ આ અંગેનો આદેશ જારી કરવામાં આવ્યો છે.
ઈ-ફાઈલિંગ પોર્ટલ સંબંધિત સમસ્યાઓનું ઝડપી નિરાકરણ:
એક વરિષ્ઠ અધિકારીએ જણાવ્યું કે ઈ-ફાઈલિંગ પોર્ટલ સાથે સંબંધિત સમસ્યાઓનું તાત્કાલિક નિરાકરણ કરવામાં આવી રહ્યું છે અને કરદાતાઓ તરફથી આવતી દરેક શંકા અને પ્રશ્નોના જવાબ આપવામાં આવી રહ્યા છે. આવકવેરા રિટર્ન સબમિટ કરવાની સમયમર્યાદા વધારવાની સોશિયલ મીડિયા પ્લેટફોર્મ પરની માંગ વિશે પૂછવામાં આવતા અધિકારીએ કહ્યું કે હાલમાં વિભાગ તેના વિશે વિચારી રહ્યો નથી.
ઈન્કમ ટેક્સ રિટર્ન મોડું ફાઈલ કરવા બદલ કેટલો દંડ થાય છે:
હાલમાં, ઈન્કમ ટેક્સ એક્ટ ઓફ ઈન્ડિયા વ્યક્તિઓને સમયમર્યાદાની સમાપ્તિ પછી પણ ITR ફાઈલ કરવાની મંજૂરી આપે છે. પરંતુ સમયમર્યાદા પછી ફાઈલ કરવામાં આવેલ ITR પર મોડો દંડ છે. વ્યક્તિઓ માટેનો નિયમ છે કે જો 31 જુલાઈ પછી ITR ફાઈલ કરવામાં આવે છે, તો 5,000 રૂપિયાની વિલંબિત ફાઇલિંગ ફી વસૂલવામાં આવશે. આ લેટ ફાઇલિંગ ફી કલમ 234F હેઠળ વસૂલવામાં આવશે. નાના કરદાતાઓ કે જેમની કરપાત્ર આવક રૂ. 5 લાખથી વધુ નથી, ITR ફાઇલ કરવાની સમયમર્યાદા ચૂકી જવા બદલ રૂ. 1,000 નો દંડ વસૂલવામાં આવશે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.