November 04, 2024
નવી દિલ્હી(New Delhi): કોલસા સંકટ પર સોમવારે બપોરે ગૃહમંત્રી અમિત શાહના ઘરે એક મોટી બેઠક બોલવવામાં આવી હતી. આ બેઠકમાં રેલવે મંત્રી અશ્વિની વૈષ્ણવ, ઉર્જા મંત્રી આરકે સિંહ અને કોલસા મંત્રી પ્રહલાદ જોશી હાજર છે. કોલસા અને ઉર્જા સચિવ સહિત ઘણા મોટા અધિકારીઓને પણ બેઠક માટે બોલાવવામાં આવ્યા છે. તાજેતરમાં વીજસંકટ બાદ અનેક રાજ્યોના મુખ્યમંત્રીઓએ કોલસા સંકટનો મુદ્દો ઉઠાવ્યો હતો.
રાજસ્થાન, મધ્યપ્રદેશ સહિત 12 રાજ્યોમાં વીજસંકટ
ઓલ ઈન્ડિયા ઈલેક્ટ્રિસિટી એન્જિનિયર્સ ફેડરેશન (AIPEF) અનુસાર, રાજસ્થાન, મધ્યપ્રદેશ, બિહાર અને ઉત્તર પ્રદેશ સહિત 12 રાજ્યો વીજ સંકટનો સામનો કરી રહ્યા છે. AIPEFના પ્રવક્તા વીકે ગુપ્તાનું કહેવું છે કે, ઉનાળાના દિવસોમાં વીજળીની માંગ વધી જાય છે. આવી સ્થિતિમાં વીજળીનું ઉત્પાદન વધારવા માટે વધુ કોલસાની જરૂર છે.
ઉનાળામાં પીક પાવર સપ્લાય સર્જે છે વિક્રમ
દેશભરમાં કાળઝાળ ગરમી વચ્ચે આ અઠવાડિયે ત્રણ વખત પીક પાવર સપ્લાય રેકોર્ડ સ્તરે પહોંચ્યો હતો. 26 એપ્રિલે પીક પાવર સપ્લાય રેકોર્ડ 201.65GW ને સ્પર્શ્યો હતો. ત્યારબાદ તેણે 28 એપ્રિલે 204.65 GW નો નવો રેકોર્ડ બનાવ્યો અને 29 એપ્રિલે 207.11 GW ના સર્વકાલીન ઉચ્ચ સ્તરે પહોંચ્યો. તે 27 એપ્રિલે 200.65GW અને 25 એપ્રિલે 199.34 GW હતી. ગયા વર્ષે 7 જુલાઈના રોજ પીક પાવર સપ્લાય 200.53 GW હતો.
Trending News
દેશમાં વીજળી ઉત્પાદનમાં 70% કોલસાનો ઉપયોગ
ભારત લગભગ 200 GW વીજળી ઉત્પન્ન કરે છે, અથવા લગભગ 70%, કોલસા આધારિત પ્લાન્ટ્સમાંથી. દેશમાં 150 કોલસા આધારિત પાવર પ્લાન્ટ છે. તાજેતરમાં, જ્યારે પાવર કટોકટી વધુ ઘેરી બની ત્યારે રેલવેએ કોલસા વહન કરતી ટ્રેનોને પાવર પ્લાન્ટ્સ સુધી પહોંચાડવા માટે ટ્રેનોની 670 ટ્રીપ રદ કરી હતી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.