એરલાઈન્સની અવિશ્વસનીય ઓફર! માત્ર 26 રૂપિયામાં જઈ શકો છો વિદેશ- હમણાં જ બુક કરો ટીકીટ

જો તમે વિદેશ જવાનું પ્લાનિંગ કરી રહ્યા છો, પરંતુ હવાઈ મુસાફરી(Air travel)નું ભાડું જોઈને તમે હેરાન પરેશાન થઇ જાવ છો. તો તમારા માટે આ જગ્યાએ મુલાકાત લેવાની એક સારી તક છે, કારણ કે અહીં તમને માત્ર 26 રૂપિયામાં એર ટિકિટ(Air ticket) મળશે.

26 રૂપિયામાં વિયેતનામ પહોચો:
હા, આ શાનદાર ઓફર વિયેતનામની VietJet Airlines દ્વારા લેવામાં આવી છે. કંપની માત્ર 9,000 વિયેતનામી ડોંગ (VND) ના હવાઈ ભાડા પર ટિકિટ ઓફર લઈને આવી છે. વિયેતનામી ચલણનું મૂલ્ય ભારતીય ચલણ સામે ઘણું ઓછું છે અને 9,000 વિયેતનામી ડોંગની રેન્જ લગભગ 25 થી 30 રૂપિયા છે. એરલાઇન્સની આ ઑફર તમામ સ્થાનિક અને આંતરરાષ્ટ્રીય રૂટની ફ્લાઇટ્સ માટે છે.

આ રહેશે મુસાફરીનો સમયગાળો:
આ ઓફરનો લાભ લેવા માટે તમારે 13 જુલાઈ સુધીમાં ટિકિટ બુક કરાવવી પડશે. જ્યારે તમે 26 માર્ચ 2023 પછી મુસાફરી માટેનો સમય પસંદ કરી શકો છો. જ્યારે ભારતીય પેસેન્જર માટે આ ઓફર સપ્ટેમ્બરથી શરૂ થશે. તેઓ નવી દિલ્હી અને મુંબઈથી હનોઈ, હો ચી મિન્હ સિટી અને વિયેતનામમાં ફુ ક્વોકની ટિકિટ બુક કરી શકે છે.

VietJetએ તાજેતરમાં ભારતમાંથી 5 નવા આંતરરાષ્ટ્રીય રૂટ પર હવાઈ સેવા શરૂ કરી છે. આમાં દિલ્હી, મુંબઈ, હૈદરાબાદ, અમદાવાદ અને બેંગ્લોરને ડાનાંગ શહેર સાથે જોડવામાં આવ્યા છે. જ્યારે તે પહેલાથી જ 4 હવાઈ માર્ગો પર સેવા ધરાવે છે. આમાં દિલ્હી અને મુંબઈથી હનોઈ અને હો ચી મિન્હ સિટીની સેવાનો સમાવેશ થાય છે.