November 05, 2024
જો તમે વિદેશ જવાનું પ્લાનિંગ કરી રહ્યા છો, પરંતુ હવાઈ મુસાફરી(Air travel)નું ભાડું જોઈને તમે હેરાન પરેશાન થઇ જાવ છો. તો તમારા માટે આ જગ્યાએ મુલાકાત લેવાની એક સારી તક છે, કારણ કે અહીં તમને માત્ર 26 રૂપિયામાં એર ટિકિટ(Air ticket) મળશે.
26 રૂપિયામાં વિયેતનામ પહોચો:
હા, આ શાનદાર ઓફર વિયેતનામની VietJet Airlines દ્વારા લેવામાં આવી છે. કંપની માત્ર 9,000 વિયેતનામી ડોંગ (VND) ના હવાઈ ભાડા પર ટિકિટ ઓફર લઈને આવી છે. વિયેતનામી ચલણનું મૂલ્ય ભારતીય ચલણ સામે ઘણું ઓછું છે અને 9,000 વિયેતનામી ડોંગની રેન્જ લગભગ 25 થી 30 રૂપિયા છે. એરલાઇન્સની આ ઑફર તમામ સ્થાનિક અને આંતરરાષ્ટ્રીય રૂટની ફ્લાઇટ્સ માટે છે.
આ રહેશે મુસાફરીનો સમયગાળો:
આ ઓફરનો લાભ લેવા માટે તમારે 13 જુલાઈ સુધીમાં ટિકિટ બુક કરાવવી પડશે. જ્યારે તમે 26 માર્ચ 2023 પછી મુસાફરી માટેનો સમય પસંદ કરી શકો છો. જ્યારે ભારતીય પેસેન્જર માટે આ ઓફર સપ્ટેમ્બરથી શરૂ થશે. તેઓ નવી દિલ્હી અને મુંબઈથી હનોઈ, હો ચી મિન્હ સિટી અને વિયેતનામમાં ફુ ક્વોકની ટિકિટ બુક કરી શકે છે.
Trending News
VietJetએ તાજેતરમાં ભારતમાંથી 5 નવા આંતરરાષ્ટ્રીય રૂટ પર હવાઈ સેવા શરૂ કરી છે. આમાં દિલ્હી, મુંબઈ, હૈદરાબાદ, અમદાવાદ અને બેંગ્લોરને ડાનાંગ શહેર સાથે જોડવામાં આવ્યા છે. જ્યારે તે પહેલાથી જ 4 હવાઈ માર્ગો પર સેવા ધરાવે છે. આમાં દિલ્હી અને મુંબઈથી હનોઈ અને હો ચી મિન્હ સિટીની સેવાનો સમાવેશ થાય છે.
ફરવા માટે ફેમસ છે વિયેતનામ:
પ્રકૃતિ પ્રેમીઓમાં વિયેતનામ ખૂબ જ પસંદ કરવામાં આવે છે. અહીં ઉજવાતા બૌદ્ધ તહેવારો વિશ્વભરમાં પ્રખ્યાત છે. તે જ સમયે, વિશ્વના ઘણા દેશોમાંથી લોકો અહીં બનેલા પેગોડાને જોવા માટે આવે છે. સુંદર બીચ અને પર્વતીય વિસ્તારોની સુંદરતા માટે વિયેતનામ પ્રવાસીઓમાં આકર્ષણનું કેન્દ્ર છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.