November 24, 2024
Mohammed Shami: મોહમ્મદ શમી વર્લ્ડ કપ 2023માં પોતાના શાનદાર પ્રદર્શનથી ચર્ચામાં છે. બોલર મોહમ્મદ શમીએ દિલ્હીમાં એક ઉત્સવ કાર્યક્રમમાં ગૃહમંત્રી અમિત શાહ અને રાષ્ટ્રીય સુરક્ષા સલાહકાર અજીત ડોભાલ સાથે મુલાકાત કરી હતી. અનુભવી ફાસ્ટ બોલરે તેના ઈન્સ્ટાગ્રામ એકાઉન્ટ પર ભાજપના ટોચના નેતાઓ (Mohammed Shami) સાથેની વાતચીતની તસવીરો પોસ્ટ કરી હતી, જે હવે સોશિયલ મીડિયા પર વાયરલ થઈ છે.
આ ઘટના ઈગાસ ઉત્સવની હતી, જે ઉત્તરાખંડનો પરંપરાગત તહેવાર છે. ભાજપના નેતા અનિલ બલુની દ્વારા તેમના નિવાસસ્થાને કાર્યક્રમનું આયોજન કરવામાં આવ્યું હતું. આ અવસર પર મોહમ્મદ શમીની સાથે બોલિવૂડ સિંગર જુબીન નૌટિયાલ, ગૃહમંત્રી શાહ અને સુરક્ષા સલાહકાર અજીત ડોભાલ પણ સામેલ થયા હતા. ભાજપના નેતાઓ સાથે શમીની તસવીરો સામે આવ્યા બાદ ચર્ચાએ જોર પકડ્યું કે શું ભારતીય બોલર હવે રાજકારણમાં આવશે?
View this post on Instagram
Trending News
તાજેતરની ઘટનાઓ એ પણ સંકેત આપે છે કે મોહમ્મદ શમી ભાજપમાં જોડાઈ શકે છે. તાજેતરમાં, યુપીના મુખ્ય પ્રધાન યોગી આદિત્યનાથે પણ વર્લ્ડ કપમાં તેના શાનદાર પ્રદર્શનને સન્માનિત કરવા શમીના હોમટાઉન અમરોહામાં ક્રિકેટ સ્ટેડિયમ બનાવવાની યોજનાની જાહેરાત કરી હતી. એટલું જ નહીં, તાજેતરમાં જ મોહમ્મદ શમીએ વડાપ્રધાનના વખાણ કર્યા હતા.
મોહમ્મદ શમીએ વર્લ્ડ કપમાં 24 વિકેટ લીધી હતી
શમીએ વર્લ્ડ કપ (વર્લ્ડ કપ 2023)માં કુલ 24 વિકેટ લઈને ઈતિહાસ રચ્યો હતો. જોકે, વર્લ્ડ કપ ફાઇનલમાં ભારતીય ટીમને ઓસ્ટ્રેલિયા સામે હારનો સામનો કરવો પડ્યો હતો. ફાઇનલમાં હાર્યા બાદ પણ દેશના લોકોએ તેમની ટીમને પ્રોત્સાહન આપ્યું અને તમામ ખેલાડીઓના સંઘર્ષની પ્રશંસા કરી.
પીએમ મોદીએ ખેલાડીઓ સાથે મુલાકાત કરી હતી
ટીમની હાર બાદ વડાપ્રધાન નરેન્દ્ર મોદી ડ્રેસિંગ રૂમમાં ભારતીય ખેલાડીઓને મળ્યા અને બધાને પ્રોત્સાહિત કર્યા. પીએમ મોદીએ ટીમના મુખ્ય કોચ રાહુલ દ્રવિડ સાથે રોહિત શર્મા, વિરાટ કોહલી, કેએલ રાહુલ, રવિન્દ્ર જાડેજા, મોહમ્મદ શમી સહિતના અન્ય ખેલાડીઓ સાથે પણ મુલાકાત કરી હતી. પરંતુ આ બધા વચ્ચે મોહમ્મદ શમીની સૌથી વધુ ચર્ચા થઈ હતી. કારણ કે, વડા પ્રધાન મોદીએ મોહમ્મદ શમીને ડ્રેસિંગ રૂમમાં ગળે લગાવ્યા હતા, જેની તસવીરો અને વીડિયો સોશિયલ મીડિયા પર ઝડપથી ફરતા થયા હતા.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube