November 18, 2024
Apple સપ્ટેમ્બરમાં iPhone 14 સિરીઝ લોન્ચ કરશે. આ પહેલા પણ તેની કિંમતો લીક થવાના સમાચાર છે. Apple Leaks Pro દાવો કરે છે કે iPhone 14 સિરીઝ iPhone 13 સિરીઝ કરતાં વધુ મોંઘી હશે. એવો દાવો કરવામાં આવી રહ્યો છે કે iPhone 14ના ચાર વેરિઅન્ટ લોન્ચ કરવામાં આવશે. તેમાં iPhone 14, iPhone 14 Max, iPhone 14 Pro અને iPhone 14 Pro Maxનો સમાવેશ થાય છે. આ વખતે iPhone Mini વેરિયન્ટ લોન્ચ કરવામાં આવશે નહીં.
લીક થયેલી કિંમતો વિશે વાત કરીએ તો, iPhone 14ની કિંમત $799 (લગભગ 60,000 રૂપિયા) થી શરૂ થશે. તમને જણાવી દઈએ કે આ લીક થયેલી કિંમતો યુએસ માર્કેટ પ્રમાણે છે, ભારતમાં તેને સામાન્ય રીતે લગભગ 5 થી 10 હજાર રૂપિયા વધુમાં લોન્ચ કરવામાં આવે છે. iPhone 13 Miniની જગ્યાએ કંપની iPhone 14 Max મૂકી શકે છે અને તેની કિંમત $899 હશે. iPhone 14 Pro Maxની કિંમત $1,199 (લગભગ 92 હજાર રૂપિયા) જણાવવામાં આવી રહી છે.
iPhone 14 સિરીઝથી Appleના ચાહકો ઘણી અપેક્ષા રાખી રહ્યા છે.
iPhone 13 સિરીઝ સાથે, ચાહકો નિરાશ થયા હતા કારણ કે ડિઝાઇનમાં કોઈ નોંધપાત્ર ફેરફાર થયો ન હતો. એટલા માટે આ વખતે લોકોને લાગે છે કે કંપની iPhone 14 સિરીઝ સાથે ખાસ કરીને ડિઝાઇનને લઈને મોટા ફેરફારો કરી શકે છે. જોકે, આ વખતે ડિઝાઇનમાં મોટા ફેરફારોની અપેક્ષા નથી. પરંતુ કેટલાક મોટા લક્ષણો ચોક્કસપણે જોવામાં આવશે. iPhone Mini વેરિયન્ટની જગ્યાએ કંપની iPhone 14 Max લોન્ચ કરી શકે છે. આ વખતે એવા પણ સમાચાર છે કે કંપની નોચની જગ્યાએ પિલ શેપ્ડ હોલ પંચ ડિઝાઇન આપી શકે છે.
Trending News
કેમેરા સુધારણાની વાત કરીએ તો, આ વખતે ટોપ મોડલમાં 8K વિડિયો સપોર્ટ આપવામાં આવી શકે છે. કેમેરા મોડ્યુલ નવું હશે અને કહેવામાં આવી રહ્યું છે કે પ્રો મોડલમાં ટ્રિપલ રિયર કેમેરા આપવામાં આવશે. આમાં 48 મેગાપિક્સલના પ્રાઇમરી લેન્સ થશે, જ્યારે 12 મેગાપિક્સલના અલ્ટ્રાવાઇડ અને ટેલિફોટો લેન્સ આપી શકાય છે. iPhone 14 સિરીઝ સાથે કંપની બેટરીમાં પણ સુધારો કરશે. ગયા વર્ષે આઇફોનમાં સેટેલાઇટ કોલિંગ ફીચરની વાત કરવામાં આવી રહી હતી, પરંતુ આ વખતે પણ એ સ્પષ્ટ નથી થયું કે આઇફોનમાં સેટેલાઇટ કોલિંગ ફીચર મળશે કે નહીં.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.