November 02, 2024
IPL 2024 Dhoni Catch CSK Vs GT: મંગળવાર, 26 માર્ચે, ચેન્નાઈ સુપર કિંગ્સના બેટ્સમેનોએ ગુજરાત ટાઇટન્સ સામે જોરદાર પ્રદર્શન કર્યું. એમએ ચિદમ્બરમ સ્ટેડિયમ ખાતે(IPL 2024 Dhoni Catch CSK Vs GT) ચેન્નાઈ અને ગુજરાત વચ્ચેની મેચમાં શુભમન ગીલે ટોસ જીતીને પ્રથમ બોલિંગ કરવાનો નિર્ણય કર્યો હતો. ચેન્નાઈના બેટ્સમેનોએ જોરદાર પ્રદર્શન કર્યું અને 20 ઓવરમાં 6 વિકેટ ગુમાવીને ટીમે 206 રન બનાવ્યા.
શિવમ દુબેએ અજાયબી કરી બતાવી. IPL 2024માં ગુજરાત ટાઇટન્સને સતત બીજી જીત નોંધાવવા માટે 207 રનની જરૂર હતી. પ્રથમ બેટિંગ કરતા ચેન્નાઈની ટીમે શિવમ દુબેના જોરદાર પ્રદર્શનને કારણે 20 ઓવરમાં છ વિકેટ ગુમાવીને 206 રન બનાવ્યા હતા. ટીમ તરફથી શિવમ દુબેએ 23 બોલમાં સૌથી વધુ 51 રનની ઇનિંગ રમી હતી.
ચેન્નાઈ સુપર કિંગ્સે ગુજરાત ટાઇટન્સને હરાવીને સતત બીજી જીત નોંધાવી હતી. CSKએ ગુજરાત ટાઇટન્સને 63 રનના મોટા માર્જિનથી હરાવ્યું. તે જ સમયે, આ મેચમાં, ચેન્નાઈ સુપર કિંગ્સના વિકેટકીપર મહેન્દ્ર સિંહ ધોનીએ આશ્ચર્યજનક કેચ લીધો. ચેન્નાઈ સુપર કિંગ્સ માટે ઓલરાઉન્ડર ડેરીલ મિચેલ આઠમી ઓવર નાખવા આવ્યો હતો. ત્યારે વિજય શંકર સ્ટ્રાઇક પર હતા. વિજય શંકરના બેટ પર અથડાયા બાદ બોલ માહીથી ઘણો દૂર જઈ રહ્યો હતો, પરંતુ કેપ્ટન કૂલ હાર ન માની. પૂર્વ ભારતીય કેપ્ટને ડાઇવ મારીને એક શાનદાર કેચ પકડી લીધો હતો.
Trending News
ધોનીએ લીધો લાજવાબ કેચ
42 વર્ષની ઉંમરમાં પણ મહેન્દ્ર સિંહ ધોની ફિટનેસમાં યુવા ખેલાડીઓને માત આપી રહ્યો છે. મહેન્દ્ર સિંહ ધોની ગુજરાત ટાઇટન્સ સામે વિકેટ પાછળ એક શાનદાર કેચ લેવામાં સફળ રહ્યો હતો. ડેરીલ મિશેલના બોલ પર વિજય શંકરે શોટ લગાવવાનો પ્રયાસ કર્યો હતો. પરંતુ બોલ ધોનીના ગ્લોવ્સમાં ગયો હતો. ધોનીએ આ કેચ ડાઈવિંગ દરમિયાન લીધો હતો. આ કેચનો વીડિયો સોશિયલ મીડિયા પર ઝડપથી વાયરલ થઈ રહ્યો છે.
Still got it! 💪🏻🔥#ThalaThalaDhaan
— Chennai Super Kings (@ChennaiIPL) March 26, 2024
વાયરલ થતા વીડિયોને જોઈને ચાહકો પણ માહીના સતત વખાણ કરી રહ્યા છે. સોશિયલ મીડિયા પર એક યુઝરે લખ્યું કે સિંહ ભલે વૃદ્ધ થઈ ગયો હોય પરંતુ શિકાર કરવાનું ભૂલ્યો નથી. આ સિવાય સોશિયલ મીડિયા પર યુઝર્સ દ્વારા વિવિધ પ્રકારની પ્રતિક્રિયાઓ આપવામાં આવી રહી છે.
207 રનનો પીછો કરતી વખતે ગુજરાત ટાઇટન્સની શરૂઆત ખરાબ રહી હતી. ગુજરાતનો કેપ્ટન શુભમન ગિલ ત્રીજી ઓવરમાં જ પેવેલિયન પરત ફર્યો હતો. ચેન્નાઈ સુપર કિંગ્સના ફાસ્ટ બોલર દીપક ચહરે ગિલને LBW આઉટ કરીને પેવેલિયન મોકલી દીધો હતો. શુભમન ગિલ 5 બોલમાં માત્ર 8 રન બનાવી શક્યો હતો. આ સિવાય વિકેટકીપર બેટ્સમેન રિદ્ધિમાન સાહા પણ મોટી ઇનિંગ રમી શક્યો નહોતો. તેણે 17 બોલમાં ચાર ચોગ્ગાની મદદથી 21 રન બનાવ્યા હતા.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App