April 26, 2024
દક્ષિણ આફ્રિકા સામે ચાલી રહેલી T20 શ્રેણીમાં શાનદાર બેટિંગ કરનાર ઈશાન કિશને કમાલ જ કરી દીધી છે. ICC રેન્કિંગમાં ઈશાન કિશન ટોપ-10માં સામેલ થઈ ગયો છે, કહેવાય છે કે, તેણે એકસાથે 68 સ્થાનની છલાંગ લગાવી છે. ઈન્ટરનેશનલ ક્રિકેટ કાઉન્સિલ (ICC) દ્વારા બુધવારે જાહેર કરવામાં આવેલી T20 રેન્કિંગમાં ભારતના ઓપનર ઈશાન કિશન બેટ્સમેનોની યાદીમાં 68 સ્થાનની છલાંગ લગાવી છે. હવે તે સાતમા સ્થાને પહોંચી ગયો છે. બોલરોમાં ભુવનેશ્વર કુમાર અને યુઝવેન્દ્ર ચહલ પણ આગળ વધવામાં સફળ રહ્યા.
IV
Josh Hazlewood claims No.1 spot?
Ishan Kishan gallops into top 10 ?
Glenn Maxwell, Wanindu Hasaranga gain ?Plenty of ?? in the @MRFWorldwide ICC Men’s T20I Player Rankings ? https://t.co/ebcusn3vBT pic.twitter.com/dyQVqkmRPG
— ICC (@ICC) June 15, 2022
કેપ્ટન રોહિત શર્મા અને શ્રેયસ અય્યર એક-એક સ્થાન નીચે, અનુક્રમે 16મા અને 17મા સ્થાને આવી ગયા છે જ્યારે વિરાટ કોહલી બે સ્થાન નીચે 21મા સ્થાને આવી ગયો છે. બોલરોમાં ફાસ્ટ બોલર ભુવનેશ્વર સાત સ્થાન આગળ વધીને 11મા સ્થાને છે જ્યારે લેગ સ્પિનર ચહલ ચાર સ્થાન આગળ વધીને 26મા ક્રમે છે.
Trending News
ઓસ્ટ્રેલિયાના જોશ હેઝલવુડે T20 બોલિંગ રેન્કિંગમાં પોતાનું નંબર વન સ્થાન પાછું મેળવ્યું છે, જ્યારે શ્રીલંકાના મહેશ તિક્ષા 16 સ્થાન આગળ વધીને આઠમા સ્થાને પહોંચી ગયા છે.
ટેસ્ટ રેન્કિંગની આ સ્થિતિ છે
ટેસ્ટ રેન્કિંગમાં ઝડપી બોલર જસપ્રીત બુમરાહ દેશબંધુ રવિચંદ્રન અશ્વિન પછી ત્રીજા સ્થાને પહોંચી ગયો છે. અશ્વિન બીજા સ્થાને યથાવત છે. ઓલરાઉન્ડરોની યાદીમાં રવિન્દ્ર જાડેજા અને અશ્વિને ટોચના બે સ્થાનો પર કબજો જાળવી રાખ્યો છે.
રોહિત અને કોહલી ટેસ્ટ બેટિંગ રેન્કિંગમાં અનુક્રમે સાતમા અને દસમા ક્રમે છે જ્યારે ઇંગ્લેન્ડનો જો રૂટ ન્યૂઝીલેન્ડ સામે ચાલી રહેલી ICC વર્લ્ડ ટેસ્ટ ચેમ્પિયનશિપ શ્રેણીમાં સતત બીજી સદી ફટકારીને ટોચ પર પહોંચી ગયો છે. રૂટ પાસે હવે ઓસ્ટ્રેલિયાના માર્નસ લાબુશેન કરતા પાંચ રેટિંગ પોઈન્ટ વધુ છે.
નોટિંગહામ ટેસ્ટની પ્રથમ ઈનિંગમાં 176 રન બનાવનાર રૂટના 897 પોઈન્ટ છે. રૂટના દેશબંધુ જોની બેરસ્ટો અને કેપ્ટન બેન સ્ટોક્સને પણ ફાયદો થયો છે. બેયરસ્ટોના 92 બોલમાં 136 રનની મદદથી ઈંગ્લેન્ડે છેલ્લા દિવસે પાંચ વિકેટે જીત મેળવી હતી.
આ શાનદાર ઇનિંગ્સના આધારે બેયરસ્ટોને 13 સ્થાનનો ફાયદો થયો છે અને તે 39માં સ્થાને પહોંચી ગયો છે, જ્યારે સ્ટોક્સ 27માંથી 22માં સ્થાને પહોંચવામાં સફળ રહ્યો છે. લક્ષ્યનો પીછો કરતા તેણે 75 રનની નાબાદ પારી રમી હતી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
