અગામી 72 કલાક ભારત માટે ખુબ જ ભારે! નદી-નાલા છલકાશે, અને સર્જાશે ભયંકર સ્થિતિ- અંબાલાલ પટેલની આગાહી

Ambalal Patel Forecast in Gujarat: ગુજરાતમાં ચોમાસાના બીજા રાઉન્ડમાં મેઘરાજાએ સૌરાષ્ટ્ર અને ઉત્તર ગુજરાતમાં ધમાકેદાર મહેર કરી છે. જોકે, હાલ રાજ્યમાં વરસાદી માહોલ થોડો શાંત પડ્યો હોય તેવું લાગી રહ્યું છે. હવામાન વિભાગના જણાવ્યા અનુસાર, આજે(Ambalal Patel Forecast in Gujarat) અને આવતીકાલે રાજ્યના છૂટા છવાયા વિસ્તારોમાં હળવા વરસાદ થવાની શક્યતા છે. જ્યારે તારીખ 15મી જુલાઈના રોજ આખા રાજ્યમાં હળવોથી મધ્યમ વરસાદ વરસી શકે છે.

આજે આ વિસ્તારમાં વરસાદની સંભાવના
આજે એટલે કે ગુરુવારે વરસાદની આગાહી કરતા હવામાન વિભાગે જણાવ્યું છે કે, આજે રાજ્યના અમુક સ્થળે વરસાદ થઈ શકે છે. આજે રાજ્યના કેટલાક વિસ્તારોમાં હળવોથી મધ્યમ વરસાદ વરસી શકે છે. હવામાન વિભાગના જણાવ્યા મુજબ, આજે ગુજરાતના પારબંદર, ગીર સોમનાથ, જૂનાગઢ, અમરેલી, રાજકોટ, ભાવનગર, બોટાદ, વડોદરા, ખેડા, છોટાઉદેપુર, નર્મદા, અરવલ્લીમાં વરસાદ વરસી શકે છે. સાથે જ ગાંધીનગર, ભરૂચ, સુરત, દાહોદ, તાપી, ડાંગ, નવસારી, વલસાડ, અમદાવાદ, આણંદ, પંચમહાલ, મહીસાગરમાં વરસાદ થવાની સંભાવના વ્યક્ત કરી છે.

14 જુલાઈએ આ વિસ્તારમાં વરસાદની સંભાવના
હવામાન વિભાગના જણાવ્યા મુજબ, આવતીકાલે એટલે કે તારીખ 14 જુલાઈ અમદાવાદ, આણંદ, અરવલ્લી, દાહોદ, ગાંધીનગરમાં પણ વરસાદ થઈ શકે છે. આ ઉપરાંત ખેડા, મહીસાગર અને પંચમહાલ જિલ્લામાં છૂટોછવાયો વરસાદ થવાની શક્યતા વ્યક્ત કરી છે.

16 જુલાઈ બાદ સારો વરસાદ પડશે
ગઈકાલે અમદાવાદ હવામાન વિભાગના ડાયરેક્ટર ડો. મનોરમા મોહંતીએ જણાવ્યું હતું કે, ગુજરાતમાં આવનારા 4થી 5 દિવસ છૂટા છવાયા વરસાદની સંભાવના છે. જ્યારે તારીખ 16થી 19 જુલાઈ દરમિયાન ભારે વરસાદની આગાહી વ્યક્ત કરવામાં આવી છે. વરસાદી ટ્રફ અને સાયક્લોનિક સર્ક્યુલેશન સક્રિય થવાથી વરસાદ પડશે. તારીખ 16 જુલાઈ બાદ રાજ્યમાં વરસાદની તીવ્રતા વધશે. અમદાવાદ અને ગાંધીનગરમાં 16 જુલાઈ બાદ સારો વરસાદ પડશે.