એવી તો શું આપત્તિ આવી પડી કે, અઢી વર્ષની બાળકી સાથે માતાએ મોતને વ્હાલું કર્યું- છેલ્લી ઓડિયો કલીપમાં…

રાજસ્થાનના જાલોર જિલ્લામાં એક પરિણીત મહિલાએ તેની અઢી વર્ષની માસૂમ પુત્રી સાથે ટાંકામાં કુદીને આત્મહત્યા કરી લીધી છે. આત્મહત્યા કરતા પહેલા, તેણે એક ઓડિયો રેકોર્ડ કર્યો અને તેને સોશિયલ મીડિયા પર વાયરલ કર્યો. જેમાં તેણે જયપુરમાં રહેતી એક મહિલાને તેના મૃત્યુ માટે જવાબદાર ગણાવી છે. વાયરલ થયેલા ઓડિયોમાં મહિલાએ તેની સાસુને નિર્દોષ હોવાનું જણાવ્યું છે. આ ઓડિયો સોશિયલ મીડિયા પર વાયરલ થતાં સમગ્ર જિલ્લામાં ખળભળાટ મચી ગયો હતો. મામલાની માહિતી મળતા જ સાંચોર પોલીસ ઘટના સ્થળે પહોંચી ગઈ હતી. આ સમગ્ર મામલો બલવાના ગામનો છે.

હાલમાં મહિલાના પરિવારજનો અને સાસરિયા પક્ષ તરફથી કોઈપણ પ્રકારની જાણ ન થવાના કારણે હવે પોલીસ માટે મહિલા પટવારી કોણ છે તે એક મોટો પડકાર ઉભો થયો છે, જેના કારણે માસૂમ પુત્રીની સાથે માતા પણ આત્મહત્યા કરી લીધી.

પોલીસે જણાવ્યું કે બલવાના, સાંચોર રહેવાસી પ્રકાશ દેવીએ તેની અઢી વર્ષની પુત્રી આર્યા સાથે ટાંકામાં કૂદીને આત્મહત્યા કરી હતી. આ ઘટના મંગળવારે સાંજે 4 વાગ્યા પછી બની હતી. તેના પતિ અશોક કુમાર સાંચોરમાં પટવારી તરીકે કામ કરે છે. બે દિવસ પહેલા સંબંધીના લગ્નમાં હાજરી આપવા પ્રકાશ દેવી સાંચોરથી બલવાના સાસુ-સસરાની પાસેની પાસે આવ્યા હતા. મંગળવારે બપોરે પરિવાર કોઈ કામ અર્થે બહાર ગયો હતો. પ્રકાશ દેવી અને તેની પુત્રી આર્યા ઘરમાં એકલા હતા. સાંજે 4 વાગ્યાની આસપાસ પ્રકાશ દેવીએ ફેમિલી વોટ્સએપ ગ્રુપ પર વોઈસ મેસેજ મૂક્યો હતો. આ પછી દીકરીને ખોળામાં લઈને ઘરની બહાર બનાવેલા પાણી ભરેલા ખાડામાં કૂદી ગઈ હતી.

પ્રકાશ દેવીએ ફેમેલી વોટ્સએપ ગ્રૂપ પર વોઈસ મેસેજ મૂકતાની સાથે જ સબંધીઓમાં હોબાળો મચી ગયો હતો. આ 19 સેકન્ડનો ઓડિયો સાસુએ પણ સાંભળ્યો હતો. તરત જ બંને ઘર તરફ દોડ્યા હતા. સાંજે 4.30 વાગ્યે તેઓ ઘરે પહોંચ્યા ત્યારે પ્રકાશ દેવી અને આર્યા ક્યાંય દેખાતા ન હતા. લાંબા સમય સુધી શોધખોળ કર્યા બાદ સાંજે 6 વાગ્યાની આસપાસ લાશ ટાંકામાંથી તરતી મળી હતી. ત્યારબાદ તાત્કાલિક પોલીસને આ બનાવની જાણ કરવામાં આવી હતી.