November 02, 2024
ઉનાળા (Summer)માં જાંબુ(Jambolan) ખાવાના ફાયદા ભાગ્યે જ કોઈનાથી છુપાયેલા હશે. આયુર્વેદ સિવાય યુનાની અને ચાઈનીઝ(Chinese) દવાઓમાં પણ જાંબુ ખાવાના ફાયદા જણાવવામાં આવ્યા છે. શું તમે જાણો છો કે જાંબુ ખાધા પછી આપણે જે દાણા ફેંકી દઈએ છીએ તે ડાયાબિટીસ (Diabetes)ના દર્દીઓ માટે ખૂબ જ ફાયદાકારક છે. સ્વાસ્થ્ય નિષ્ણાતો (Health experts)નો દાવો છે કે જાંબુના ઠળિયા લોહી (Blood)માં વધતા બ્લડ સુગરને સરળતાથી નિયંત્રિત કરી શકે છે.
હેલ્થ એક્સપર્ટ્સનું કહેવું છે કે જાંબુ અને તેના ઠળિયામાં જાંબોલીન અને જમ્બોસિન નામના તત્ત્વો મળી આવે છે, જે લોહીમાંથી નીકળતી બ્લડ શુગરની ગતિને ધીમી કરે છે. તેનાથી શરીરમાં ઈન્સ્યુલિનની માત્રા પણ વધે છે. તેનું નિયમિત સેવન કરવાથી ડાયાબિટીસના રોગને વધતો અટકાવી શકાય છે.
આયુર્વેદના નિષ્ણાતો કહે છે કે ભારતીય બ્લેકબેરી એટલે કે જાંબુમાં એસ્ટ્રિજન્ટ અને એન્ટિ-ડ્યુરેટિક જેવા ગુણ હોય છે, જે વારંવાર પેશાબની સમસ્યામાં રાહત આપે છે. આ સિવાય તેમાં હાઈપોગ્લાયકેમિક ગુણ પણ હોય છે જે બ્લડ સુગર લેવલને ઝડપથી ઘટાડે છે. નિષ્ણાતોનો દાવો છે કે આ તમામ વિશેષતા જાંબુના ઠળિયામાં જોવા મળે છે.
Trending News
જાંબુના ઠળિયાનો ઉપયોગ કેવી રીતે કરવો?
જાંબુને સારી રીતે ધોઈ લો અને તેને સ્વચ્છ વાસણમાં રાખો. જાંબુ ખાધા પછી, તેના ઠળિયાને ફેંકવાને બદલે તેને સ્વચ્છ વાસણમાં સંગ્રહિત કરો. આ ઠળિયાને સારી રીતે ધોયા પછી, તેને સ્વચ્છ કપડા પર સૂકવવા માટે છોડી દો. તેમને સૂર્યપ્રકાશમાં યોગ્ય રીતે સૂકવવામાં ઓછામાં ઓછા ત્રણથી ચાર દિવસ લાગશે.
ઠળિયા સુકાઈ ગયા પછી તેના ઉપરના પડ એટલે કે છાલ ઉતારી લો અને લીલો ભાગ અંદર રાખો. આ ઠળિયાને બે ભાગોમાં તોડી નાખો અને તેને થોડા વધુ દિવસો સુધી સૂકવવા માટે છોડી દો જેથી કરીને ઠળિયો બરાબર સુકાઈ જાય. આ પછી સૂકા બીજને મિક્સરમાં પીસી લો. દાણામાંથી તૈયાર કરેલ આ પાવડરને એક બોક્સમાં રાખો અને જરૂર પડે ત્યારે તેનો ઉપયોગ કરો.
કેવી રીતે સેવન કરવું?
દરરોજ સવારે ખાલી પેટે એક ગ્લાસ પાણીમાં એક ચમચી જાંબુના ઠળિયાનો પાવડર મિક્સ કરીને તેનું સેવન કરો. તેનાથી તમારી બ્લડ શુગર કંટ્રોલમાં રહેશે. જો તમે આ રેસીપી અજમાવતા પહેલા એકવાર તમારા ડૉક્ટરની સલાહ લો તો સારું રહેશે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.