January 06, 2025
ઝારખંડના રામગઢ જિલ્લામાં પોલીસ અને આરોગ્ય વિભાગનો અમાનવીય ચહેરો બહાર આવ્યો છે. અહીં પોલીસે લાશને તેમની કારની પાછળના સ્ટ્રેચર પર બાંધી હતી અને તેને હાઇવે પરથી પોલીસ સ્ટેશન લઈ ગઈ હતી.
હકીકતમાં રાત્રે બાર વાગ્યે માંડુના ઇન્ચાર્જ પોલીસ સ્ટેશનનો ફોન આવ્યો કે, બાલસાગરા મોર નજીક અકસ્માત થયો છે જેમાં એક વ્યક્તિનું મોત નીપજ્યું છે. બાતમી મળ્યા બાદ પેટ્રોલીંગ પોલીસને સ્થળ ઉપર મોકલી દેવામાં આવી હતી.
બાઇક સવાર રામેશ્વર રામનું ટ્રક સાથે ટકરાતાં મોત નીપજ્યું હતું. આ અકસ્માતમાં મૃતદેહની હાલત ખૂબ ખરાબ થઈ ગઈ હતી. માહિતી મળ્યા બાદ, માંડુ પોલીસે લાશને સ્થળ પરથી લાવવા માટે માંડુ હોસ્પિટલના ડોકટરોથી એમ્બ્યુલન્સની માંગ કરી હતી પરંતુ ત્યાં કોઈ એમ્બ્યુલન્સ નહોતી મળી.
Trending News
પોલીસ હોસ્પિટલમાંથી ફક્ત એક સ્ટ્રેચર લઇને ઘટના સ્થળે પહોંચી હતી અને લાશને સ્ટ્રેચર પર લઈ તેની કારની પાછળ બાંધી પોલીસ સ્ટેશન લઈ આવી હતી. જિલ્લાના એસપી પ્રભાતકુમારે આ કૃત્યને ગંભીરતાથી લીધું હતું.
તેમણે કહ્યું કે, એસડીપીઓ રામગઢને આ મામલાની તપાસ કરવા અને 24 કલાકમાં રિપોર્ટ રજૂ કરવા કહેવામાં આવ્યું છે. કોઈ ગુનેગારને બક્ષવામાં આવશે નહીં.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. અમારા ટેલીગ્રામ ગ્રુપ માં જોડાઈને મેળવો તમામ અપડેટ: https://t.me/trishulnews ગુગલ ન્યુઝમાં ફોલો કરો: http://bit.ly/TrishulNewsOnGoogle