જ્યોતિરાદિત્ય સિંધિયા અને તેમની માતા કોરોના પોઝિટિવ, બન્ને હોસ્પિટલમાં દાખલ

ભારતીય જનતા પાર્ટીના નેતા અને પૂર્વ કેન્દ્રીયમંત્રી જ્યોતિરાદિત્ય સિંધિયા અને તેમની માતા માધવી રાજે સિંધિયાને કોરોના કેસ પોજીટીવ આવ્યો છે. બંનેને દિલ્હીની મેક્સ હોસ્પિટલમાં દાખલ કરવામાં આવ્યા છે. સિંધિયાને ગળામાં દુખાવો અને તાવ હતો. આ પછી, તેનો કોરોના ટેસ્ટ કરવામાં આવ્યો હતો.

કહેવામાં આવી રહ્યું છે કે, જ્યોતિરાદિત્ય સિંધિયા અને તેની માતા માધવી રાજે સિંધિયાને ચાર દિવસ પહેલા જ મેક્સ હોસ્પિટલમાં દાખલ કરવામાં આવ્યા છે. જ્યોતિરાદિત્ય સિંધિયામાં કોરોનાના લક્ષણો હતા, પરંતુ તેની માતામાં કોઈ લક્ષણો ન હતાં. આજે બંનેનો ટેસ્ટ રિપોર્ટ પોઝિટિવ આવ્યો છે. હવે બંનેની સારવાર કરવામાં આવી રહી છે.

કહેવામાં આવી રહ્યું છે કે, જ્યોતિરાદિત્ય સિંધિયા લોકડાઉનની જાહેરાત થઈ ત્યારથી દિલ્હીમાં છે. તે તેમના પરિવાર સાથે દિલ્હી સ્થિત તેમના નિવાસ પર રહેતો હતો, પરંતુ ચાર દિવસ પહેલા અચાનક જ્યોતિરાદિત્ય સિંધિયાએ કોરોનાના લક્ષણો જોવા મળ્યા હતા. આ પછી તેમને હોસ્પિટલમાં દાખલ કરવામાં આવ્યા હતા.

સંપર્કમાં આવનારા લોકોને ક્વોરેંટાઇન્ડ કરવામાં આવશે