November 24, 2024
Kabaddi Player Death: રમત ચાહકો માટે જેટલી મજેદાર છે તેટલી જ ખેલાડીઓ માટે ઘાતક પણ બની શકે છે. ક્યારેક રમતમાં સહેજ પણ ભૂલ મોતનું કારણ બની જાય છે. ત્યારે હાલમાં કબડ્ડી પ્લેયર સાથે પણ આવું જ થયું છે. સહેજ ભૂલને કારણે તેણે જીવ ગુમાવ્યો પડ્યો છે.
આ મામલો તમિલનાડુ(Tamil Nadu)ના તિરુવન્નામલાઈ(Thiruvannamalai) જિલ્લાના અરાની(Arani) શહેરનો છે. અહીં મરિયમન મંદિરમાં ઉત્સવ ઉજવવામાં આવી રહ્યો હતો. આ દરમિયાન આ મોટી દુર્ઘટના ઘટી હતી. આ મંદિર ઉત્સવમાં 34 વર્ષીય કબડ્ડી ખેલાડી વિનોદ કુમાર(Kabaddi player Vinod Kumar)ને કલાબાજી દરમિયાન ભૂલ કરવી ભારે પડી ગઈ હતી.
કલાબાજી કરતા ખેલાડીનો વિડીયો પણ વાયરલ થયો હતો:
વાસ્તવમાં ઘટના આ મહિનાની એટલે કે 8 ઓગસ્ટની જ જણાવવામાં આવી રહી છે. આ ઉત્સવમાં વિનોદ કુમાર કલાબાજી બતાવી રહ્યા હતા. આનો એક વિડીયો પણ સોશિયલ મીડિયા પર ખૂબ વાયરલ થઈ રહ્યો છે. વિડીયોમાં જોઈ શકાય છે કે કલાબાજી દરમિયાન વિનોદ કુમાર પોતાના માથાના બળ પર જમીન પર પડી જાય છે અને ફરી ઉભા થઈ શકતા નથી.
Trending News
લોકો તરત જ તેની પાસે આવે છે. તેઓને ઉપાડીને અરણીની સરકારી હોસ્પિટલમાં લઈ જવામાં આવે છે. જ્યાં પ્રાથમિક સારવાર બાદ વિનોદ કુમારને વેલ્લોરની સરકારી મેડિકલ કોલેજમાં રિફર કરવામાં આવ્યા હતા. અહીં સારવાર દરમિયાન વિનોદ કુમારનું મોત થયું હતું. એવું કહેવામાં આવ્યું છે કે, વિનોદ કુમારને કલાબાજી દરમિયાન ગરદનમાં ઈજા થઈ હતી. વિનોદ કુમાર પોતાની કબડ્ડી ટીમ સાથે ફેસ્ટિવલમાં પહોંચ્યા હતા. અહીં ટીમની સાથે કલાબાજી પણ બતાવી રહ્યા હતા.
સંબંધીઓ ચેન્નાઈની હોસ્પિટલમાં લઈ જવાની તૈયારી કરી રહ્યા હતા:
કહેવામાં આવ્યું હતું કે વિનોદને મેડિકલ કોલેજમાં પણ આરામ નથી મળી રહ્યો. આ કારણે, તેમને ચેન્નાઈની સરકારી હોસ્પિટલમાં રેફર કરવાની પ્રક્રિયા કરવામાં આવી રહી હતી, પરંતુ સોમવારે (15 ઓગસ્ટ) મોડી રાત્રે વિનોદ કુમારે અંતિમ શ્વાસ લીધા.
કબડ્ડી ખેલાડી વિનોદ કુમાર પરિણીત હતા અને પરિવારમાં તેમને બે પુત્રો હતા. વિનોદના પરિવારમાં તેમની પત્ની શિવગામી અને તેમના બે પુત્રો સંતોષ અને કલાઈરાસન છે. વિનોદના મોત બાદ વિસ્તારમાં શોકનો માહોલ છવાયો હતો. પરિવાર અને રહેવાસીઓ સાથે રમત જગત માટે આ ખૂબ જ દુઃખદ ઘટના છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.