અતીક-અશરફની હત્યા બાદ ધીરેન્દ્ર શાસ્ત્રીની હનુમંત કથા મુલતવી રખાઈ- જાણો શું છે કારણ

ઉત્તર પ્રદેશ(Uttar Pradesh)ના કાનપુર(Kanpur) દેહાતમાં યોજાનારી બાગેશ્વર ધામ(Bageshwar Dham) પીઠાધીશ્વર ધીરેન્દ્ર કૃષ્ણ શાસ્ત્રી(Dhirendra Krishna Shastri)ની હનુમંત કથા(Hanumant Katha)ને મોકૂફ રાખવામાં આવી છે. ઉત્તર પ્રદેશમાં કાયદો અને વ્યવસ્થા અને કલમ 144ના અમલને કારણે જિલ્લા મેજિસ્ટ્રેટ નેહા જૈને આ અંગે આદેશ આપ્યા હતા. તમને જણાવી દઈએ કે પ્રયાગરાજમાં અતીક અને અશરફની હત્યા બાદ સમગ્ર રાજ્યમાં કાયદો અને વ્યવસ્થાને ખલેલ પહોંચાડવી જોઈએ નહીં, તેથી તમામ જિલ્લામાં કલમ 144 લાગુ છે.

*जनपद कानपुर देहात के थाना शिवली क्षेत्र के ग्राम रंजीतपुर में आयोजित होने वाली 05 दिवसीय हनुमंत कथा अपरिहार्य कारणों से स्थगित की जाती है जिसके संबंध में बागेश्वर धाम के महंत श्री धीरेंद्र शास्त्री जी द्वारा दी गई जानकारी।* pic.twitter.com/XzhHGgqVAc

— Kanpur Dehat Police (@kanpurdehatpol) April 16, 2023

જિલ્લાના શિવલી તાલુકામાં આવેલા મૈથા વિસ્તારમાં 17 એપ્રિલથી 21 એપ્રિલ સુધી હનુમંત કથાનું આયોજન થવાનું હતું. બાગેશ્વર ધામ પીઠાધીશ્વર ધીરેન્દ્ર કૃષ્ણ શાસ્ત્રી મધ્યપ્રદેશના છતરપુરથી કથા કરવા આવી રહ્યા હતા. કાર્યક્રમની તૈયારીઓ 15 થી 20 દિવસ અગાઉથી જ શરૂ કરી દેવામાં આવી હતી. કાર્યક્રમ માટે જિલ્લા વહીવટી તંત્ર પાસેથી પણ પરવાનગી લેવામાં આવી હતી.

પરંતુ શનિવારે રાત્રે પ્રયાગરાજમાં અતીક અને અશરફની હત્યા બાદ સમગ્ર રાજ્યમાં કલમ 144 લાગુ કરવામાં આવી હતી. જેને જોતા રાજ્યમાં કાયદો અને વ્યવસ્થા જળવાઈ રહે તે માટે પોલીસ પ્રશાસનને ખાસ આદેશ જારી કરવામાં આવ્યો હતો. જ્યારે કલમ 144 લાગુ કરવામાં આવી હતી, ત્યારે મઠના એસડીએમએ કાર્યક્રમ સ્થગિત કરવાનો આદેશ જારી કર્યો હતો.