વિધાનસભામાં થયો કાળો જાદુ ? મુખ્યમંત્રીના ભાઈ લીંબુ લઈને પહોચ્યા વિધાનસભા. જાણો વિગતે

કર્ણાટકમાં કોંગ્રેસ અને જેડીએસ બંને પક્ષો પોતાની ગઠબંધન સરકાર બચાવવા માટે દરેક શક્ય કોશિશ કરી રહ્યાં છે. ભાજપના દબાણ અને રાજ્યપાલના આદેશ બાદ પણ આજે બપોરે આપેલી સમય મર્યાદામાં ફ્લોર ટેસ્ટ થયો નહીં. કુમારસ્વામીનું મુખ્યમંત્રી પદ જોખમમાં જોતા તેમના ભાઈએ કોઈ નવો ટુચકો અજમાવ્યો છે. ભાજપના આરોપ છે કે ટુચકા માટે સીએમના ભાઈ અને પ્રદેશ સરકારના મંત્રી એચડી રેવન્ના શુક્રવારે સદનમાં લીંબુ લઈને આવ્યાં. જો કે કુમારસ્વામીએ કહ્યું કે આવું કશું નથી. અત્રે જણાવવાનું કે થોડા દિવસ પહેલા રેવન્ના ખુલ્લા પગે સદનમાં પહોંચ્યા હતાં. ત્યારથી તેને અનુષ્ઠાન કે ટુચકા જેવું ગણાવવામાં આવ્યું હતું. કહેવાય છે કે રેવન્ના મુસીબતના સમયે પોતાના હાથમાં લીંબુ રાખે છે. તેમનું માનવું છે કે તેનાથી મુસીબત ટળી જાય છે.

Karnataka CM: You blame Revanna(state minister and CM’s brother) of carrying a lemon. You(BJP) believe in Hindu culture,but you blame him.He carries lemon with him and he goes to a temple. But you accuse him of doing black magic. Is it even possible to save a Govt by black magic? pic.twitter.com/FPwM16vzak

— ANI (@ANI) July 19, 2019

આમ તો સત્તા મેળવવા માટે પ્રાર્થના, પૂજા પાઠનો દૌર ભાજપમાં પણ ચાલુ છે. ભાજપના સાંસદ શોભા કરંદલજે યેદિયુરપ્પા મુખ્યમંત્રી બને તે માટે અનુષ્ઠાન કરી રહ્યાં છે. મૈસુર સ્થિત શ્રી ચામુંડેશ્વરી દેવી મંદિરમાં તેઓ 1001 સીડીઓ ચઢીને પહોંચ્યાં. તેમણે સમર્થકો સાથે મંદિરમાં પ્રાર્થના કરી કે યેદિયુરપ્પા કર્ણાટકના આગામી મુખ્યમંત્રી બને.