kinetic એ લોન્ચ કર્યું નવું ઇલેક્ટ્રિક સ્કૂટર ‘ઝુલુ’, રેન્જ 104Km- આટલી ઓછી કિંમત જાણીને દંગ રહી જશો

Kinetic Green Zulu electric scooter Launched: ઈલેક્ટ્રિક સ્કૂટરની સાથે ભારતીય માર્કેટમાં સતત નવા મોડલની એન્ટ્રી થઈ રહી છે. હવે કાઇનેટિક ગ્રીને તેનું નવું ઇલેક્ટ્રિક સ્કૂટર કાઇનેટિક ઝુલુ સ્થાનિક બજારમાં વેચાણ માટે લોન્ચ કર્યું છે. આકર્ષક દેખાવ અને દમદાર બેટરી વાળી આ સ્કૂટરની શરૂઆતની(Kinetic Green Zulu electric scooter) કિંમત 94,900 રૂપિયા (એક્સ-શોરૂમ) નક્કી કરવામાં આવી છે. જેમાં રસ ધરાવતા ગ્રાહકો કંપનીની સત્તાવાર વેબસાઇટ અને અધિકૃત ડીલરશીપ દ્વારા આ સ્કૂટર બુક કરાવી શકે છે.

કંપનીનો દાવો છે કે, કાઈનેટિક ઝુલુ ઈલેક્ટ્રિક સ્કૂટર(Kinetic Green Zulu electric scooter) સંપૂર્ણપણે મેડ-ઈન ઈન્ડિયા છે અને તેની ડિલિવરી આવતા વર્ષથી શરૂ થઈ જશે. બજારમાં, આ ઇલેક્ટ્રિક સ્કૂટર મુખ્યત્વે Ola અને Ather જેવી બ્રાન્ડ્સના મોડલ સાથે સ્પર્ધા કરશે. કંપનીએ આ ઇલેક્ટ્રિક સ્કૂટરમાં ઘણી એડવાન્સ ફીચર્સ અને ટેક્નોલોજીનો સમાવેશ કર્યો છે, જે તેને માર્કેટમાં અન્ય સ્કૂટર્સ સાથે સ્પર્ધા કરવામાં મદદ કરશે.

દેખાવ અને ડિઝાઇન વિશે વાત કરીએ તો, કંપનીએ કાઇનેટિક ઝુલુમાં(Kinetic Green Zulu electric scooter) એલઇડી હેડલેમ્પ, એલઇડી ડે ટાઇમ રનિંગ લાઇટ્સ, ડિજિટલ સ્પીડોમીટર, ઓટો કટ ચાર્જર અને સાઇડ સ્ટેન્ડ સેન્સર જેવી સુવિધાઓ આપવામાં આવી છે. જો સ્કૂટરનું સ્ટેન્ડ નીચે પડી ગયું હોય, તો ઇન્સ્ટ્રુમેન્ટ કન્સોલમાં લાઇટ દ્વારા એલર્ટ પ્રદર્શિત થશે. આ સિવાય સ્કૂટરની અંડરસીટ સ્ટોરેજમાં લાઇટ પણ આપવામાં આવી છે.

કાઇનેટિક ઝુલુ કદ:

કંપનીનો દાવો છે કે આ સ્કૂટરનું ગ્રાઉન્ડ ક્લિયરન્સ 160 mm છે, જે તેને લગભગ તમામ પ્રકારની રોડ સ્થિતિમાં સરળતાથી ચલાવવામાં મદદ કરે છે. સાઈઝની વાત કરીએ તો આ સ્કૂટરની લંબાઈ 1,830 mm, ઊંચાઈ 1,135 mm અને પહોળાઈ 715 mm છે. તેનું વ્હીલબેઝ 1,360 mm અને વજન 93 kg છે. ઇલેક્ટ્રિક સ્કૂટરની પેલોડ ક્ષમતા 150 કિગ્રા છે.