સ્કૂલ ફી અને વીજળી બિલ માફી માટે સુરતના કિરીટભાઈ માકડિયા છેલ્લા 9 દિવસથી ઉપવાસ પર બેઠા છે

હાલના સમયમાં ગુજરાત સરકાર ગુજરાતના નાગરિકો માટે શું કરી રહી છે તે કોઈ ને ખબર નથી. એક તરફ દિવસેને દિવસે કોરોનાના કેસ વધી રહ્યા છે અને બીજી તરફ અહિયાં અનલોકના બહાને બધું ખોલી મુકીને લોકો પાસે વીજળી અને અનેક ફી બાબતે પૈસાની ઉઘરાણીઓ કરવામાં આવી રહી છે. લોકડાઉનના સમયમાં લોકો ઘરે બેઠા હતા. કોઈ પાસે રોજગારી ના હતી લોકો પાસે ખાવાના પણ રૂપિયા ખૂટી રહ્યા છે. ત્યારે આવા સમયમાં સરકારને લોકોની મદદે ઉતારવાની જગ્યાએ પૈસાની ઉઘરાણી ચાલુ કરાવી છે.

આખરે લોકો ગુજરાત સરકાર પાસે વીજળી બિલ તેમજ સ્કૂલ ફી ની માફી માટે આવેદન આપી રહ્યા છે. જેના કારણે લોકોના ધંધા પાછા ચાલુ થાય અને પહેલાની જેમાં જિંદગી જીવવા લાગે. જયારે એક તરફ લોકો સરકારને નિવેદનો આપી આપી વીજળી બિલ તેમજ સ્કૂલ ફી ની માફી માંગી રહ્યા છે ત્યારે સુરતના કિરીટભાઈ જ્યાં સુધી વીજળી બિલ તેમજ સ્કૂલ ફી ની માફી ના મળે ત્યાં સુધી ઉપવાસ પર ઉતરી ગયા છે. કિરીટભાઈ વેલંજા વિસ્તારના રહેવાસી છે. છેલ્લા 9 દિવસથી ઉપવાસ પાર બેઠેલા છે પણ ગુજરાત ની સંવેદનશીલ સરકાર ના પેટ નું પાણી પણ હલતું નથી.

કિરીટભાઈ માકડિયાની વાત કરીએ તો પોતે કોઈ પાર્ટી ના નેતા નથી કે પછી કોઈ પક્ષ ના આગેવાન નથી એટલા માટે ટીવી ચેનલ ની હેડલાઇનમાં તેનું નામ નથી આવતું. જેના કારણે લોકોને તેમના આ પુરુષાર્થની જાણ નથી. કે જે પોતે દરેકનું ધ્યાનમાં રાખી પોતે ઉપવાસ પર બેઠા છે. કિરીટભાઈના આસપાસ રહેતા ત્યાના સ્થાનિક જાગૃત નાગરિકો દ્વારા પૂરો સહયોગ આપવામાં આવે છે.