સિવિલથી રજા અપાયેલા કોરોના દર્દીની લાશ બસ સ્ટેન્ડમાં રઝળતી મળી, CM રૂપાણી એકશનમાં

હાલ જયારે કોરોના વાયરસે બધી જ બાજુ તેની કહેર મચાવી છે ત્યારે આવા સમયમાં એક ચોંકાવનારી ઘટના સામે આવી છે. સિવિલ હોસ્પિટલમાંથી રજા અપાયેલા દર્દીની લાશ દાણીલીમડાના BRTS બસ સ્ટેન્ડમાંથી મળી આવી હતી. આ ઘટનાની સંપૂર્ણ તપાસ કરવા માટે મુખ્યમંત્રી વિજય રૂપાણીએ આદેશ કર્યો છે. મુખ્યમંત્રી વિજય રુપાણીએ આ ઘટનાની તપાસ પૂર્વ આરોગ્ય અગ્ર સચિવ જે.પી ગુપ્તાને સોંપવાનો પણ નિર્ણય કર્યો છે.

મળેલી માહિતી મુજબ, 10 મે એ આ દર્દીનો રિપોર્ટ કોરોના પોઝિટિવ આવ્યો હતો. જેના કારણે તેને 14 મે ના રોજ  હોમ આઈસોલેશન કરવાનો હતો એટલા માટે તેને બસમાં મોકવામાં આવ્યો હતો. તેણે બસ ડ્રાઈવરને દાણીલીમડા ઉતરવાનું છે એમ કહ્યું હતું. તે બસમાંથી સ્ટેન્ડ પર ઉતર્યો અને ત્યા જ તેનું મૃત્યુ થયું હતું. આ દર્દી દાણીલીમડાના રોહિતનગરનો રહેવાસી હતો.