November 24, 2024
અમદાવાદ(Ahmedabad): ધંધુકા(Dhandhuka)માં 25મીએ ધોળા દિવસે બે બાઇક સવારોએ કિશન ભરવાડ(Kishan Bharvad) નામના યુવક પર જાહેરમાં જ ફાયરીંગ(Firing) કર્યું હતું, જેના કારણે તેનું મોત થયું હતું. આ ઘટનાના રાજ્યભરમાં ઘેરા પ્રત્યાઘાત પડ્યા હતા અને તોફાનના પગલે બોટાદ, રાણપુર બંધ રાખ્યા બાદ હિન્દુ યુવા વાહિની(Hindu Yuva Vahini), વિશ્વ હિન્દુ પરિષદ(VHP) અને હિન્દુ સમાજના આગેવાનોએ શનિવારે એટલે કે આજે બાવળા સંપૂર્ણ બંધ(Bavla closed)નું એલાન આપવામાં આવ્યું છે. બંધના એલાનમાં બાવળાના નાના-મોટા વેપારીઓને સહકાર આપવા જણાવાયું છે. આ હત્યામાં બે મૌલવીની ભૂમિકા અંગે તપાસ શરૂ કરવામાં આવી છે. અમદાવાદના જમાલપુર(Jamalpur)ના રહેવાસી ઐયુબ મૌલવીનું નામ સામે આવ્યું છે. બંધના એલાન બાદ બાવળામાં ચુસ્ત પોલીસ બંદોબસ્ત ગોઠવી દેવામાં આવ્યો છે.
આજે બાવળા બંધનું એલાન:
હિન્દુ યુવા વાહિની, વિશ્વ હિન્દુ પરિષદ અને હિન્દુ સમાજના નેતાઓએ શનિવારે એટલે કે આજરોજ બાવળા સંપૂર્ણ બંધનું એલાન આપવામાં આવ્યું છે. બંધના એલાનમાં બાવળાના નાના-મોટા વેપારીઓને સહકાર આપવા જણાવાયું છે. બીજી બાજુ વિરમગામ કોઠારી બાગથી તાલુકા સેવાસદન સુધી રેલી યોજવામાં આવી હતી અને વિરમગામ તાલુકા સેવા સદન ખાતે વિરમગામ મામલતદાર અને પ્રાંત કચેરી પર વિશ્વ હિન્દુ પરિષદ અને માલધારી સમાજ દ્વારા સંયુક્ત રીતે ધંધૂકા શહેરમાં કિશન ભરવાડની ઘટના બાબતે વિરોધ વ્યક્ત કરી સદર કેસમાં આંતકવાદવિરોધી ધારો લગાવી હુમલાખોરો વિરુદ્ધ કડકમાં કડક પગલાં ભરવામાં આવે તે પ્રકારની માંગ સાથે આવેદનપત્ર આપવામાં આવ્યું હતું.
ગોંડલ અને ધોરાજીમાં પણ આવેદનપત્ર આપવામાં આવ્યું:
હત્યારાઓ સામે તાત્કાલિક અસરથી શિક્ષાત્મક કાર્યવાહી કરવા માંગ ઉઠી છે. આટલી નાની બાબતમાં યુવકની હત્યા કરવી યોગ્ય નથી. તેવી માંગ ભરવાડ સમાજ અને વિશ્વ હિન્દુ પરિષદ દ્વારા કરવામાં આવી રહી છે. જે રીતે કિશન ભરવાડની હત્યા કરવામાં આવી હતી. તેના પ્રત્યે ભારે રોષ જોવા મળી રહ્યો છે. શુક્રવારે વિશ્વ હિન્દુ પરિષદના સમર્થકો મોટી સંખ્યામાં ગોંડલમાં મામલતદાર કચેરીએ પહોંચ્યા હતા જ્યારે ભરવાડ સમાજે ધોરાજી પ્રાંત અધિકારીની કચેરીએ આવેદનપત્ર પાઠવી હત્યારાઓને કડકમાં કડક સજા કરવાની માંગ કરી હતી.
Trending News
આ સમગ્ર હત્યા કેસમાં આરોપીઓ શબ્બીર ઉર્ફે સબા ચોપડા (રહે. મલવતવાડા, ધંધુકા) અને ઈમ્તિયાઝ ઉર્ફે ઈમ્તુ પઠાણ (રહે. કોઠીફળી, ધંધુકા) છે. મૌલાના મોહમ્મદ અયુબ જવારાવાલા (રહે. જમાલપુર, અમદાવાદ)ને કસ્ટડીમાં લેવામાં આવ્યા છે.
શબ્બીરે ફાયરિંગ કર્યું, ઈમ્તિયાઝ બાઇક ચલાવી રહ્યો હતો:
કિશન ભરવાડની 25 જાન્યુઆરીએ ગોળી મારી હત્યા કરવામાં આવી હતી. જે ઘટનામાં હત્યા અને હત્યાના પ્રયાસના બે આરોપીઓની ધરપકડ કરવામાં આવી છે. ઈમ્તિયાઝ બાઇક ચલાવી રહ્યો હતો ત્યારે આરોપી શબ્બીરે ગોળી ચલાવી હતી.
મૃતકની હત્યા 6 જાન્યુઆરીએ એફબી પોસ્ટના કારણે કરવામાં આવી હતી:
મૃતકે 6 જાન્યુઆરીએ ફેસબુક પર ધાર્મિક લાગણી દુભાય તેવી પોસ્ટ કરી હતી. 9ના રોજ ફરિયાદ નોંધી કાર્યવાહી હાથ ધરી હતી. ફેસબુક પરની એક પોસ્ટના આધારે, હત્યાની યોજના ઘડી હતી. આરોપી શબ્બીર કટ્ટરપંથી વિચારધારા ધરાવે છે. મૌલવી કટ્ટરપંથીના સંપર્કમાં હોઈ શકે છે. મુંબઈમાં તે મૌલવીને મળ્યો હતો. તેને અમદાવાદના જમાલપુરમાં અયુબ નામના મૌલવીને મળવાનું કહેવામાં આવ્યું હતું.
શબ્બીરે મૌલવીને કહ્યું તેને પાઠ ભણાવવો છે, મને હથિયાર આપો:
અમદાવાદના જમાલપુરના મૌલવી અને દિલ્હીના મૌલવી શાહ આલમમાં મળ્યા હતા. જેમાં શબ્બીર પણ હાજર હતો. હત્યાના 5 થી 6 દિવસ પહેલા શબ્બીર અમદાવાદ ગયો હતો અને મૌલવીને મળ્યો હતો અને ફેસબુક પર આ પોસ્ટ અંગે વાત કરી હતી અને કહ્યું હતું કે, આ ફેસબુક પોસ્ટ મૂકી એ મને ગમી નથી. જેથી મને હથિયાર આપો અને મૌલવીએ આ હથિયાર આપ્યું હતું. આ સંગઠન અને અન્ય મૌલવીઓની તપાસ કરવામાં આવી રહી છે. ઈમ્તિયાઝ શબ્બીરનો મિત્ર છે અને અન્ય યુવકો સાથે પણ વાત કરતો હતો.
એક વર્ષ પહેલા શબ્બીરે મૌલવીનું ભાષણ સાંભળ્યું હતું:
આરોપી શબ્બીરના કહેવા પ્રમાણે, મૌલવીનું ભાષણ 1 વર્ષ પહેલા સાંભળ્યું અને તેને મળ્યો હતો. મૌલવી ઐયુબ જમાલપુર રહે છે અને વધુ પૂછપરછ હાથ ધરવામાં આવી છે. પૂછપરછ અને તપાસમાં જાણવા મળ્યું કે તેની કટ્ટરવાદી માનસિકતા છે. રિમાન્ડ લેવામાં આવશે અને ફંડિંગ તેમજ ભૂતકાળમાં કરવામાં આવેલી આવી કોઈ પ્રવૃત્તિ અને લોકોના બદલવા અંગેની પણ તપાસ કરવામાં આવશે.
મૌલવી ઇન્સ્ટાગ્રામ દ્વારા સંપર્કમાં આવ્યો:
આરોપી શબ્બીર એક વર્ષ પહેલા ઈન્સ્ટાગ્રામ દ્વારા મૌલવીના સંપર્કમાં આવ્યો હતો. કટ્ટરપંથી વિચારધારા ધરાવતા શબ્બીર મુંબઈના એક મૌલવીને મળ્યો અને તેને અમદાવાદના જમાલપુરમાં રહેતા મૌલવી અયુબને મળવાનું કહ્યું. મૂળ મૌલાના દિલ્હીનો છે અને મુંબઈમાં મળી આવ્યો હતો. કોઈ પણ સંજોગોમાં પોલીસ તપાસ ચાલુ છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.