જાણો લોકસભાની ચૂંટણીમાં નવું શું હશે? ચૂંટણી પંચે જાહેર કરેલી સૂચનાઓની 10 નવી બાબતો

લોકસભા 2019ની ચૂંટણીની તારીખ જાહેર થઈ ચુકી છે. 7 તબક્કામાં યોજાનારી ચૂંટણીના પ્રથમ તબક્કાનું વૉટિંગ 11મી એપ્રિલ થશે. રાજ્યમાં ત્રીજા તબક્કામાં 23મી એપ્રિલે મતદાન યોજાશે. ગુજરાતના ચૂંટણીના પરિણામો દેશના પરિણામોની સાથે 23મી મેના રોજ જાહેર થશે.

ચૂંટણી પંચે જાહેર કરેલી સૂચનાઓની 10 મુખ્ય બાબતો

(1) EVMમાં આ વખતે ઉમેદવારનો ફોટો જોવા મળશે, તમામ મતદાન કેન્દ્રો પર VVPATનો ઉપયોગ થશે. લોકસભાની ચૂંટણીમાં 1.5 કરોડ યુવાનો પ્રથમ વાર વોટ આપશે.

(2) તમે 590 નંબર ડાયલ કરી અને SMS દ્વારા વૉટિંગ લિસ્ટમાં તમારું નામ છે કે નહીં તે ચેક કરી શકશો.

(3) લોકસભાની ચૂંટણીમાં તમામ તબક્કાનું મતદાન મળી 10 લાખ બૂથ પર વોટિંગ યોજાશે.

(4)મતદારોને મતદાન કરવા માટેના ઓળખપત્રો માટે 11 વિલ્પો આપવામાં આવ્યા છે.

(5) ચૂંટણીમાં 90 કરોડ લોકો મતાધિકારાનો ઉપયોગ કરશે જેમાં 1.5 કરોડ વૉટર્સ 18-19 વર્ષના છે.

(6) તમામ સંવેદનશીલ મતદાન મથકો પર સીસીટીવી કેમેરા લગાડવામાં આવશે, તમામ મોટી ઘટનાઓની વીડિયોગ્રાફી થશે.

(7) EVMનું GPS ટેકનોલોજીની મદદથી ટ્રેકિંગ કરાશે. તમામ વિસ્તારોમાં CRPFને બંદોબસ્તમાં મૂકાશે.

(8) આજથી દેશમાં આદર્શ આચર સંહિતા લાગુ થઈ ગઈ છે, લાઉડ સ્પીકરના ઉપયોગ પર નજર રાખવામાં આવશે અને તેના ઉપયોગની સમય મર્યાદા નક્કી કરાશે.

(9) સોશિયલ મીડિયા પર પ્રચાર કરતા પહેલાં રાજકીય પક્ષોએ પરવાનગી લેવી પડશે. આ સાથે સોશિયલ મીડિયાના પ્રચારના ખર્ચની માહિતી પણ ચૂંટણી ખર્ચમાં જોડવાની રહેશે. પેડ ન્યૂઝ પર નજર રાખવા માટે સમિતિનું નિર્માણ થશે.

(10) ફેસબૂક, ટ્વીટર, યૂટ્યૂબ પર રાજકીય જાહેરાતોની જાણકારી એકઠી કરાશે. સોશિયલ મીડિયા પ્લેટફોર્મ પર ફરિયાદ કરી શકાશે તેના માટે અધિકારી મૂકાશે.