આવો ‘પ્રેમ રોગ’ કોઈને ન થાય! ‘પતી-પત્ની ઓર વો’ ની ખૌફનાક કહાની સાંભળી રૂવાડા બેઠા થઇ જશે

હરદોઈઃ ઉત્તર પ્રદેશમાં(Uttar Pradesh) પ્રેમનો એવો ઘૃણાસ્પદ ચહેરો સામે આવ્યો છે, જેની કહાની સાંભળીને તમારું લોહી ઉકળી જશે. મળતી માહિતી અનુસાર, હરદોઈમાં(Hardoi) એક મહિલાએ તેના પ્રેમી સાથે મળીને તેના પતિની હત્યા કરી નાખી હતી. પોલીસે હરદોઈના સંદિલા કોતવાલી વિસ્તારમાં (Sandila Kotwali area) 4 દિવસ પહેલા એક ખેડૂતની હત્યાનો ખુલાસો કર્યો છે. પોલીસે આ કેસમાં મૃતકની પત્ની અને તેના પ્રેમીની ધરપકડ કરી છે.

વાસ્તવમાં, મૃતક પતિને જાણ થઈ હતી કે, પત્નીને તેના પિતરાઈ ભાઈ સાથે ગેરકાયદેસર સંબંધ છે. મૃતક પતિએ પણ બંનેને સાથે પણ જોયા હતા. આ રીતે ગેરકાયદેસર સંબંધમાં અડચણરૂપ બન્યા બાદ પત્નીએ તેના પ્રેમી સાથે મળીને ખેતરમાં સૂતી વખતે તેના પતિનું ગળું દબાવી હત્યા કરી હતી. આ કેસમાં પ્રેમી સહિત અનેક સામે હત્યાનો ગુનો નોંધવામાં આવ્યો હતો.

આ બાબતનો ખુલાસો કરતા એસપીએ જણાવ્યું કે, મુન્નાની લાશ સંદિલા કોતવાલી વિસ્તારના કાલવા ગામમાં ભોલા સિંહના બટાકાના ખેતરમાં પડેલી મળી આવી હતી. આ મામલામાં મૃતકની પત્ની નિશાની સૂચના પર સરોજ કુમાર સહિત ચારથી પાંચ અજાણ્યા લોકો સામે કેસ નોંધવામાં આવ્યો હતો. આ સનસનાટીભર્યા હત્યાકાંડના ઘટસ્ફોટ માટે ટીમો તૈનાત કરવામાં આવી હતી. તપાસ દરમિયાન પોલીસે હત્યાના તમામ પાસાઓની તપાસ સાથે બાતમીદારોનો સહારો લીધો હતો અને અન્ય તમામ મુદ્દાઓ પરથી એવું બહાર આવ્યું હતું કે હત્યામાં નામ આપવામાં આવેલ આરોપી સરોજ ઉપરાંત મૃતકની પત્ની નિશાની સંડોવણી છે.

પોલીસને આ વાતની જાણ થતાં જ આરોપી સરોજ અને મૃતકની પત્ની નિશા બંને ભાગી ગયા હતા. પરંતુ, જ્યારે પોલીસને બાતમીદાર પાસેથી આ માહિતી મળી ત્યારે પોલીસે બંનેને શિવપુરી રોડ પરથી ગડૌરાથી ધરપકડ કરી હતી. એસપીએ જણાવ્યું કે પૂછપરછ દરમિયાન સરોજે જણાવ્યું કે નિશા સાથે તેના છેલ્લા 7 વર્ષથી પ્રેમ સંબંધ છે. સરોજના પણ 2 વર્ષ પહેલા લગ્ન થયા હતા અને નિશાના કહેવાથી તેણે તેની પત્નીને છોડી દીધી હતી.