November 20, 2024
Woman drowns in sea in Mumbai Bandra: કહેવાય છે કે અગ્નિ, હવા અને પાણી સાથે ક્યારેય રમત ન કરવી જોઈએ કારણ કે તે જીવલેણ બની શકે છે. ક્યારેક વીડિયોના અફેરમાં તો ક્યારેક સેલ્ફીના ચક્કરમાં લોકોએ ઘણી વખત પોતાનો જીવ ગુમાવ્યો છે.(Woman drowns in sea in Mumbai Bandra) તાજેતરમાં વાયરલ થયેલા એક ભયાનક વીડિયોને જોઈને પણ આ જ સમજાય છે. આમાં એક કપલ મુંબઈના બાંદ્રામાં પરિવાર સાથે એન્જોય કરતા જોવા મળે છે પરંતુ તે પછી જે થાય છે તે ખુબજ ડરામણું છે.
વીડિયોમાં જોવા મળે છે કે કપલ એક પથ્થર પર બેસીને દરિયાની લહેરોની મજા માણી રહ્યું છે અને તેમની નાની બાળકી તેનો વીડિયો બનાવી હોય છે. વીડિયોમાં બાળકનો અવાજ સ્પષ્ટ રીતે સાંભળી શકાય છે. સમુદ્રના મોજાઓ ઉપર ઉછળી રહ્યા છે અને પતિ-પત્ની એકબીજાને પકડીને બેઠા છે. આ પછી એક જોરદાર મોજું આવે છે અને મહિલાને પોતાની સાથે લઈ જાય છે. બાળક અને પિતા આઘાતમાં જોઈ રહ્યા, વીડિયોમાં બાળકીનો અવાજ ‘મમ્મી-મમ્મી’ સ્પષ્ટ સંભળાય છે. મહિલાની ઓળખ 32 વર્ષીય જ્યોતિ સોનાર તરીકે થઈ છે.
कम से कम बच्ची की आवाज़ सुन लेते. pic.twitter.com/YQaLgSgejR
— Awanish Sharan 🇮🇳 (@AwanishSharan) July 15, 2023
Trending News
આ સમગ્ર ઘટના અંગે મળેલી માહિતી અનુસાર, મહિલાના પતિ મુકેશ ગૌતમ નગર, રબાલે મુંબઈમાં રહે છે, એક ખાનગી પેઢીમાં ટેકનિશિયન તરીકે કામ કરે છે. તેણે કહ્યું, “મેં તેને બચાવવાનો પૂરો પ્રયાસ કર્યો. જ્યારે ચોથું મોજું અમને પાછળથી અથડાયું, ત્યારે મેં મારું સંતુલન ગુમાવ્યું અને અમે બંને લપસી ગયા. જ્યારે મેં મારી પત્નીની સાડી પકડી, ત્યારે એક વ્યક્તિએ મારો પગ પકડી લીધો, પરંતુ તે બચાવી શક્યો નહીં.
તેણે આગળ કહ્યું, “મારી પકડ મજબૂત હોવા છતાં તે તેની સાડી સરકી ગઈ અને મારી નજર સામે સમુદ્રમાં ખેંચાઈ ગઈ. મારા બાળકો ત્યાં જ હતા. તેઓએ મદદ માટે બૂમો પાડી પણ કોઈ કંઈ કરી શકાયું નહીં. મને ખબર નથી કે તેઓ આ ઘટનામાંથી કેવી રીતે બહાર નીકળશે.”
સાંજે 5.12 કલાકે બનેલી ઘટનાને આસપાસ ઉભેલા લોકોએ તરતજ પોલીસને જાણ કરી હતી. ફાયર વિભાગના અધિકારીઓ સાથે પોલીસ ઘટના સ્થળે પહોંચી હતી. મુંબઈ ફાયર બ્રિગેડ દ્વારા સર્ચ ઓપરેશન બાદ રવિવારે મોડી રાત્રે જ્યોતિનો મૃતદેહ મળી આવ્યો હતો. તેને હોસ્પિટલ લઈ જવામાં આવ્યો હતો પરંતુ ત્યાં પહોંચતા જ તેને મૃત જાહેર કરવામાં આવી હતી.
મુકેશના જણાવ્યા મુજબ દંપતી અને તેમની 12 વર્ષની પુત્રી અને છ અને આઠ વર્ષના પુત્રો ઘણીવાર પિકનિક પર જતા હતા. તેઓ ક્યાં જશે તે નક્કી કર્યા પછી પરિવારે મુકેશના મિત્ર પાસેથી દિવસ માટે ઓટો ભાડે લીધી. જ્યોતિ આખા પરિવાર માટે ફૂડ પેક કરતી હતી. રવિવારે પરિવારે જુહુ ચોપાટી જવાનું નક્કી કર્યું હતું. જો કે ભરતીને કારણે બીચ પર પ્રવેશ પ્રતિબંધ હતો અને પરિવારે ભેલપુરી સેન્ટરમાં લંચ લીધું અને બાંદ્રા તરફ પ્રયાણ કર્યું. અહીં તસવીરો લેતી વખતે આ ખતરનાક અકસ્માત થયો હતો.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube