શું ફરી થશે લોકસભાની ચૂંટણી? બેલેટ પેપરથી થશે લોકસભાની ચૂંટણી? જાણો સુપ્રીમ કોર્ટમાં…

સુપ્રીમ કોર્ટમાં વકીલ એમ.એલ. શર્માએ તાજેતરમાં યોજાયેલી લોકસભાની ચૂંટણીઓ રદ્દ કરવાની માગણી કરતી અરજી દાખલ કરી છે. તેમણે જણાવ્યું હતું કે રિપ્રેજેંટેશન ઓફ પીપલ્સ (RP) એક્ટ મૂજબ ચૂંટણી ફક્ત બેલેટ પેપરથી જ કરી શકાય છે. આ એક્ટને લઈને તેમણે માગણી કરી છે કે ચૂંટણીના પરિણામોને રદ્દ કરવામાં આવે અને બેલેટ પેપર દ્વારા ફરીથી ચૂંટણી કરાવવામાં આવે. એમ.એલ. શર્માએ અરજી પર તાત્કાલિક સુનાવણીની પણ માંગ કરી છે.

લોકસભા ચૂંટણી 2019 તાજેતરમાં જ પૂર્ણ થઈ છે જેમાં ભાજપ 300 થી વધુ બેઠકો પર જીત મેળવી અને ફરીથી સત્તામાં આવી છે. આ ચૂંટણીમાં કોંગ્રેસ પાર્ટીને માત્ર 52 બેઠકો જ મળી છે. ચૂંટણીઓમાં હાર પછી વિરોધી પક્ષોએ ઇવીએમ પર સવાલો ઉઠાવ્યા છે.