November 02, 2024
Lok Sabha Elections 2024: દેશભરમાં લોકતંત્ર પર્વ એટલે કે લોકસભા ચુંટણીને માત્ર ગણતરીના દિવસો જ બાકી રહ્યા છે. 19 એપ્રિલ થી 1 જુન સુધી સાત ચરણોમાં ચુંટણીની કામગીરી કરવામાં આવશે અને 4 જુનના રોજ નિર્ણય બહાર પાડવામાં આવશે. ત્યારે પ્રશ્ન થાય છે કે ઘર-પરિવારને છોડી સીમા પર તૈનાત જવાન આ લોકતંત્રના(Lok Sabha Elections 2024) તહેવારમાં સામેલ કેવી રીતે થાય છે! પરંતુ આપણા મન એક એવો સવાલ તો થાય જ છે કે સીમા પર હાજર જવાનોએ કેવી રીતે વોટ કરતા હશે?
હિમાચલના હજારો સૈનિક ભારતીય સેના આર્મી, નેવી અને એરફોર્સની ત્રણેય ક્ષેત્રમાં સેવા આપી રહ્યાં છે. આગામી લોકસભી ચૂંટણીમાં તે પોતાના મતાધિકારનો ઉપયોગ કરી પોતાના મનપસંદ ઉમેદવારના પક્ષમાં મતદાન કરી શકે છે. પહેલા ભારતીય સીમા પર તૈનાત જવાનો માટે બેલેટ પેપર ડાક દ્વારા મોકલવામાં આવતા હતા. જોકે, હવે તેની રીત અને ટ્રેન્ડ બદલાયો છે. ચૂંટણી પંચે ETPBS પ્રણાલી અપનાવી છે.
સૈનિકો સમયસર તેમના મતાધિકારનો ઉપયોગ કરી શકશે
દેશની સરહદો પર રાત-દિવસ ફરજ બજાવતા જવાનોને હવે પોસ્ટના બદલે ઓનલાઈન બેલેટ પેપર મોકલવામાં આવશે. ચૂંટણી પંચ પહેલીવાર સેનાના જવાનો માટે આ વ્યવસ્થા કરી રહ્યું છે. તેમને ઈ-મેલ દ્વારા બેલેટ પેપર મોકલવામાં આવશે. તમને જણાવી દઈએ કે સમયની બચતને ધ્યાનમાં રાખીને ચૂંટણી પંચે આ નિર્ણય લીધો છે. આ સાથે સૈનિકો સમયસર તેમના મતધિકારનો ઉપયોગ કરી શકશે.
Trending News
ચૂંટણી પંચ ઈ-મેલ દ્વારા બેલેટ પેપર મોકલશે
ચૂંટણી પંચે સમય બચાવવા માટે નવો રસ્તો શોધી કાઢ્યો છે. આ અંતર્ગત પ્રથમ વખત ચૂંટણી પંચે બેલેટ પેપર પોસ્ટ દ્વારા મોકલવાના બદલે ઈ-મેલ દ્વારા મોકલવાનો નિર્ણય લીધો છે. અગાઉ ભારતીય સરહદ પર તૈનાત સૈનિકો માટે બેલેટ પેપર પોસ્ટ દ્વારા મોકલવામાં આવતા હતા.ઘણી વખત ચૂંટણીમાં ઉમેદવારોની જાહેરાત થયા બાદ આ બેલેટ પેપર ફરી ચૂંટણી પંચ સુધી પહોંચતા હતા. હવે બેલેટ પેપર પોસ્ટ દ્વારા મોકલવાને બદલે ચૂંટણી પંચ તેને ઈ-મેલ દ્વારા સીધા જ વિવિધ સેનાઓની રેકોર્ડ ઓફિસમાં મોકલશે. બેલેટ પેપરનો ઈ-મેલ રેકોર્ડ ઓફિસમાંથી વિવિધ સેનાના એકમોને મોકલવામાં આવશે.
આ બેલેટ પેપર યુનિટમાં છાપવામાં આવશે અને સૈનિકોને તેમના મનપસંદ ઉમેદવારની તરફેણમાં મત આપવા માટે આપવામાં આવશે. મતદાન કર્યા પછી, જવાનો આ બેલેટ પેપરો સંબંધિત જિલ્લાના ચૂંટણી પંચના અધિકારીને સ્ટેમ્પ વિના મફત પોસ્ટ દ્વારા મોકલશે. જિલ્લા ચૂંટણી અધિકારી અને ડીસી ચંબા સુદેશ મોક્તાએ જણાવ્યું હતું કે પ્રથમ વખત ચૂંટણી પંચે ભારતીય સેનાના જવાનોને ઈ-મેલ દ્વારા બેલેટ પેપર મોકલવાનો નિર્ણય લીધો છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App