ગોંડલ હાઈવે પર બન્ને મિત્રોને અંધારી રાત્રે નડ્યો ગંભીર અકસ્માત: કારનો કુચડે-કુચડો બોલી ગયો- જુઓ ભયંકર દ્રશ્યો

ગુજરાત: અવારનવાર અકસ્માત (Accident) સર્જાતા હોવાથી માર્ગ અકસ્માત માટે કુખ્યાત બનેલા ગોંડલ-રાજકોટ નેશનલ હાઈવે (Gondal-Rajkot National Highway) પર ગત રાત્રિના રાજકોટથી ગોંડલ બાજુ આવી રહેલા તાલુકા પંચાયત (Taluka Panchayat) ના પૂર્વ સદસ્ય રાજેશભાઇ જેઠાણી (Rajeshbhai Jethani) ની કારને અકસ્માત નડ્યો હતો. કાર બેકાબૂ થતા ચાલકે સ્ટિયરિંગ પરથી કાબૂ ગુમાવ્યો હતો.

જેને લીધે કાર ડિવાઈડર ટપી હોટલમાં ઘૂસી ગઈ હતી. આ ઘટનામાં રાજેશભાઇ તેમજ તેના મિત્રને ગંભીર ઇજા થતા પ્રાથમિક સારવાર ગોંડલ આપીને આગળની સારવાર અર્થે રાજકોટ લઈ જવામાં આવ્યા હતા તેમજ આ બંનેની હાલત હાલમાં ગંભીર હોવાનું જાણવા મળ્યું છે. લોકોએ કારના દરવાજા લોખંડના પાઇપથી તોડીને બંનેને બહાર કાઢ્યા હતા.

બંને ઇજાગ્રસ્તને રાજકોટ હોસ્પિટલ ખસેડાયા:
ઘટનાને વિગતે જોઈએ તો, ગોંડલ તાલુકા પંચાયતના પૂર્વ સદસ્ય તેમજ વાછરા ગામમાં રહેતા રાજેશભાઈ જેઠાણી તથા તેના દડવા ગામમા રહેતા મિત્ર જગાભાઈ ભરવાડ ગુરુવાર રાત્રિના 9 વાગ્યે રાજકોટથી ગોંડલ બાજુ GJ-3-KP-9002 કારમાં આવી રહ્યા હતા.