આમ આદમી પાર્ટી સુરતનું વિધાર્થી સંઘ CYSS ખડે પગે કરી રહ્યું છે કોરોનાગ્રસ્ત દર્દીઓની સેવા

સમગ્ર ભારતમાં કોરોનાના કેસમાં સત્તત વધારો થઇ રહ્યો છે અને કેટલાય લોકોને કોરોનાને લીધે પોતાનો જીવ ગુમાવવાના વારો આવ્યો છે.સાથે ખાનગી અને સરકારી હોસ્પિટલમાં લોકોને નથી બેડ મળી રહ્યા કે નથી પૂરતી માત્રામાં ઓક્સિજન મળી રહ્યો. ત્યારે આવા કપરા કાળમાં ઘણી સામાજિક અને ધાર્મિક સંસ્થા કોરોના ગ્રસ્ત દર્દીઓની મદદ કરવા આગળ આવે છે. ત્યારે ફરી એક વાર આમ આદમી પાર્ટીની વિદ્યાર્થી પાંખ ગણાતી છાત્ર યુવા સંઘર્ષ સમિતિ સુરત (CYSS) લોકોની મદદે આવી છે. આ પહેલા પણ છાત્ર યુવા સંઘર્ષ સમિતિ ઊંઝા દ્વારા આખા ગામને સેનિટાઇઝ કરવાની કામગીરી હાથ ધરી હતી. ત્યારે હવે સુરતની CYSS ટિમ લોકોની મદદે આવી છે.

સુરતમાં કોરોનના કેસનું સંક્રમણ વધતા ઘણી ધાર્મિક અને સામાજિક સંસ્થાઓ આગળ આવી છે. ત્યારે હાલમાં આમ આદમી પાર્ટીની વિદ્યાર્થી પાંખ ગણાતી છાત્ર યુવા સંઘર્ષ સમિતિ સુરત (CYSS) લોકોની મદદે આવી છે. છેલ્લા ઘણા સમયથી આ છાત્ર યુવા સંઘર્ષ સમિતિ સુરત એ કોરોનાગ્રસ્ત દર્દીઓની વહારે આવી છે.

સમગ્ર છાત્ર યુવા સંઘર્ષ સમિતિ સુરત ના પ્રમુખ દર્શિતભાઈ કોરાટની આગેવાની હેઠળ લોકોની ખડે પગે સેવા કરી રહી છે. ત્યારે CYSS ના વિદ્યાર્થીઓ જેવા કે વિવેકભાઈ પટોળીયા, અભીષેકભાઈ સોનાણી, કિશનભાઈ ઘોરી, પ્રદિપભાઈ કાકડિયા, રોશનભાઈ કથીરિયા, ડેનિસભાઈ પણસારા, અર્ચિતભાઈ ગોધાણી, પાર્થભાઈ સાવલિયા, યાજ્ઞિકભાઈ લાખાણી, વરુણભાઈ સુતરીયા, નીલભાઈ ગાંગાણી, રાજનભાઈ પાનસુરીયા, સ્મિતભાઈ ઠુમર અને સાથે બીજા અનેક વિદ્યાર્થીઓ દ્વારા કોવિડ સેન્ટરમાં સતત સેવા આપી રહ્યા છે.