Akshay Kumar ના ફિલ્મ સેટ પર થયો મોટો અકસ્માત, શરુ શૂટીંગે 100 ફૂટ નીચે પડ્યો એક્ટર

Akshay Kumar (અક્ષય કુમાર): બોલિવૂડ એક્ટર અક્ષય કુમારની આગામી ફિલ્મ ‘વેદત મરાઠે વીર દૌડલે સાત’ ખુબજ ચર્ચામાં છે. ફિલ્મના સેટ પરથી એક મોટા સમાચાર સામે આવ્યા છે. ફિલ્મના સેટ પર અકસ્માત થયો છે. એક 19 વર્ષનો છોકરો કિલ્લાની કિલ્લેબંધીથી 100 ફૂટ નીચે પડ્યો છે. મીડિયા રિપોર્ટ્સ અનુસાર યુવક ગંભીર રીતે ઘાયલ છે.

મળેલી માહિતી અનુસાર, ફિલ્મનું શૂટિંગ પન્હાલામાં થઈ રહ્યું હતું. જ્યાં સજ્જા કોળી વિસ્તારમાં ફિલ્મનો સેટ લગાવવામાં આવ્યો હતો. શનિવારે રાત્રે 8.30 વાગ્યાથી શૂટિંગ શરૂ થયું હતું. શૂટિંગ માટે ઘોડા લાવવામાં આવ્યા હતા. જેને લઇ નાગેશ ખોબર ઘોડાની સંભાળ લેવા આવ્યો હતો. આ દરમિયાન જ્યારે નાગેશને ફોન આવ્યો તો તે ટેકરીના ખૂણા પર ઉભો રહીને વાત કરવા લાગ્યો.

ફોન પર વાત કર્યા બાદ નાગેશ જેવો પાછળ ફર્યો કે તરત જ તે ટેકરીના ખૂણેથી 100 ફૂટ નીચે પડી ગયો. આ અંગે લોકોને જાણ થતાં બે લોકો દોરડાની મદદથી નીચે ઉતર્યા હતા. આ પછી નાગેશને દોરડાથી બાંધીને ઉપર લાવવામાં આવ્યો હતો.

પ્રાપ્ત માહિતી અનુસાર, નાગેશને માથા અને છાતીના ભાગે ગંભીર ઈજાઓ થઈ છે. તે પછી તરત જ, નાગેશને કોલ્હાપુર, મહારાષ્ટ્રના નાગેશ C.P.R. હોસ્પિટલમાં દાખલ કરાયો હતો. પરંતુ નાગેશની હાલત નાજુક હોવાથી તેને હાલ ખાનગી હોસ્પિટલમાં ખસેડવામાં આવ્યો છે અને તેની સારવાર ચાલી રહી છે. નાગેશના અકસ્માતની માહિતી મળતાં જ પન્હાલા પોલીસ ઘટનાસ્થળે પહોંચી ગઈ છે.