5 વર્ષ પહેલા માતાને ભગાડી જનાર યુવકનું ઉપરાછાપરી છરીના ઘા ઝીંકી ઢીમ ઢાળી દીધું

હત્યા (Murder)ની ઘટનાઓ ખુબ જ વધતી જાય છે. કોઈને જાણે કાનુનનો દર જ ન રહ્યો હોય, એમ ખુલ્લેઆમ હત્યાઓના કિસ્સાઓ આવે છે. ત્યારે આવી જ વધુ એક ઘટના સામે આવી છે. ભાવનગર(Bhavnagar) જિલ્લાના વરતેજ તાબેના બુધેલ ગામે જૂની અદાવતે સરતાનપર ગામના યુવાનને ઘરમાં ઘૂંસી એક શખ્સે છરીના ઘા ઝીંકી મોતને ઘાટ ઉતાર્યો હતો.

આરોપી બિભત્સ ગાળો બોલતા ઉગ્ર ઝગડો થયો:
મળતી માહિતી અનુસાર, જિલ્લાના સરતાનપર ગામે રહેતો કાળું રવજી મકવાણા (24) આજથી 5 વર્ષ પહેલા કાનજી ઉર્ફે કાનો પોપટ રાઠોડની માતાને ભગાડી ગયો હતો. આ વાતને કારણે કાનાએ મનોમન બદલો લેવાનું વિચાર્યું હતું. ત્યારે કાળું રવજી મકવાણા બુધેલ ગામે રહેતી તેની બહેન નિતા બુધા મેરના ઘરે રહી તેની વાડીએ ખેત મજૂરી કરતો હોવાથી ગતરાત્રે આરોપી કાનો નિતાના ઘરે આવી બિભત્સ ગાળો બોલતો હતો. જેથી કાળું ઘર બહાર નિકળ્યો હતો અને આરોપીને ગાળો ન દેવા જણાવતાં બંને વચ્ચે ઉગ્ર ઝઘડો થયો હતો.