AAPના નગરસેવક: મેયર હેમાલી બોઘાવાલાએ સીટી બસમાં મુસાફરી કરવી જોઈએ જેથી ખબર પડે તેમનો વિકાસ ક્યાં પહોંચ્યો છે

ગુજરાત(Gujarat): રાજ્યમાં હાલ તો વરસાદી માહોલ(Rainy weather) જોવા મળી રહ્યો છે. પરંતુ વરસાદની વચ્ચે કઈકને કઈક એવું થઇ રહ્યું છે જેને લીધે જનતાને હાલાકીનો સામનો કરવો પડી રહ્યો છે. રાજ્યના અનેક શહેરોમાં રસ્તા પર ખાડો છે કે, ખાડામાં રોડ છે તે પણ ખબર નથી પડી રહી. જ્યાં જુઓ ત્યાં વરસાદનું પાણી ભરાયેલું જોવા મળે છે. ત્યારે આ બધાની વચ્ચે સુરત(Surat) શહેરનો એક વિડીયો સામે આવ્યો છે, જે સુરત પ્રશાસન દ્વારા કરવામાં આવતા ધાંધિયાનો ખુલાસો કરી રહ્યો છે.

હાલમાં વાયરલ થઈ રહેલો આ વિડીયો અન્ય કોઈ જગ્યાનો નહિ પણ BRTS બસનો જ છે. તમે વિડીયોમાં જોઈ શકો છો કે, BRTS બસમાં પાણી પડી રહ્યું છે. અવારનવાર BRTS બસમાં ભીડ જોવા મળતી હોય છે. બસમાં બેસવાની તો ઠીક પણ વ્યવસ્થિત રીતે ઉભા રહેવાની પણ જગ્યા મળતી નથી.

આ દરમિયાન હવે તો BRTS બસની સફર ચોમાસા દરમિયાન કઈક અલગ રંગ રૂપમાં જ સામે આવી છે. વિડીયોમાં તમે જોઈ શકો છો કે, ચોમાસા દરમિયાન BRTS બસમાં પણ મુસાફરી કરવી લોકો માટે મુશ્કેલી સમાન બની રહી છે. આ વિડીયોમાં સ્પષ્ટ પણે દેખાઈ રહ્યું છે કે, વરસાદને કારણે પાણી બસમાં ઘુસી રહ્યું છે તેમ છતાં પણ તંત્ર કે પ્રશાસન દ્વારા કોઈ પણ પ્રકારના નક્કર પગલા લેવામાં આવતા નથી.