શર્ટના કોલરમાં સંતાડીને આ યુવક લાવતો હતો ૩.૧૬ લાખનું સોનું, જાણો પછી…

કસ્ટમ વિભાગ દ્વારા સોમવારે એક વ્યક્તિની દેશમાં સોનું સ્મગલ કરવાના આરોપમાં ધરપકડ કરવામાં આવી છે. આ વ્યક્તિ શારજાહથી સુરત એર ઈન્ડિયા એક્સપ્રેસ ફ્લાઈટથી આવ્યો હતો. જણાવવામાં આવી રહ્યું છે કે, તેણે સોનાને પોતાના શર્ટના કોલરમાં સંતાડી રાખ્યું હતું.

રિપોર્ટ અનુસાર, ધરપકડ કરાયેલા વ્યક્તિ પાસેથી 96.41 ગ્રામ સોનું મળી આવ્યું છે, જેને તેણે પીગાળીને એક પેસ્ટમાં બદલી નાંખ્યું હતું અને પોતાના શર્ટના કોલરમાં સંતાડી લીધું હતું. તેને આશા હતી કે, તે આ રીત અપનાવીને સુરત એરપોર્ટ પર લાગેલા સ્કેનર ચેકિંગની વચ્ચેથી સોનાને સંતાડીને લઈ જવામાં સફળ રહેશે. જપ્ત કરાયેલા સોનાની કિંમત આશરે 3.16 લાખ રૂપિયા જણાવવામાં આવી રહી છે.