November 02, 2024
ક્રિકેટ(Cricket)ના મેદાન પર પોતાની પ્રતિભા બતાવનાર મહેન્દ્ર સિંહ ધોની(Mahendra Singh Dhoni)ને હવે મેદાનની બહારની જવાબદારીઓ મળવા લાગી છે. પહેલા, ટીમ ઇન્ડિયા(Team India)ને આગામી ટી-20 વર્લ્ડ કપ(T20 World Cup) માટે માર્ગદર્શક બનાવવામાં આવ્યા હતા અને હવે તે પછી ભારત સરકારે તેને મોટી જવાબદારી સોંપી છે. ગુરુવારે રાત્રે એક જાહેરાત કરતા ભારતીય ક્રિકેટ ટીમના ભૂતપૂર્વ કેપ્ટનને સંરક્ષણ મંત્રાલય દ્વારા રચાયેલી 15 સભ્યોની ઉચ્ચ સ્તરીય નિષ્ણાત સમિતિમાં સામેલ કરવામાં આવ્યા છે.
તેમની સાથે આનંદ મહિન્દ્રા(Anand Mahindra), રાજ્યવર્ધન સિંહ રાઠોડ, રાજ્યસભાના સભ્ય વિનય સહસ્ત્રબુદ્ધે, નાણા મંત્રાલયના મુખ્ય આર્થિક સલાહકાર સંજીવ સાન્યાલ અને જામિયા મિલિયા ઇસ્લામિયાના વાઇસ ચાન્સેલર નજમા અખ્તરના નામ પણ આ સમિતિમાં સામેલ છે. NCC(National Cadet Corps) ની વ્યાપક સમીક્ષા માટે આ સમિતિની રચના કરવામાં આવી છે જેથી તેને પહેલા કરતા વધુ સુસંગત બનાવી શકાય.
આ સમિતિના અન્ય સભ્યોમાં SNDT મહિલા વિશ્વવિદ્યાલયના પૂર્વ કુલપતિ વસુધા કામત, ભારતીય શિક્ષણ મંડળના રાષ્ટ્રીય સંગઠન સચિવ મુકુલ કાનિતકર, મેજર જનરલ (નિવૃત્ત) આલોક રાજ, SIS ઇન્ડિયા લિમિટેડના મેનેજિંગ ડિરેક્ટર ઋતુરાજ સિન્હા અને ડેટાબુકના CEO આનંદ શાહનો સમાવેશ થાય છે. આ સાથે જ પૂર્વ ધારાસભ્ય બૈજયંત પાંડને આ સમિતિના અધ્યક્ષ બનાવવામાં આવ્યા છે.
Trending News
ઉલ્લેખનીય છે કે મહેન્દ્ર સિંહ ધોની ભારતીય સેનામાં લેફ્ટનન્ટ કર્નલ (માનદ) છે. સમિતિની રચના બાદ સંરક્ષણ મંત્રાલયે તેના નિવેદનમાં કહ્યું છે કે, ‘આ સમિતિની રચના NCC(National Cadet Corps) ની વિસ્તૃત સમજ આપવા માટે કરવામાં આવી છે. જેથી તે બદલાતા સમયમાં વધુ સુસંગત બને. NCC ખાકી યુનિફોર્મમાં સૌથી મોટું સંગઠન છે જેનો ઉદ્દેશ યુવા નાગરિકોમાં ચારિત્ર્ય, શિસ્ત, બિનસાંપ્રદાયિક દ્રષ્ટિકોણ અને નિસ્વાર્થ સેવાના આદર્શો કેળવવાનો છે.
તે જ સમયે, એમએસ ધોની હજુ પણ ક્રિકેટ મેદાનથી સંપૂર્ણપણે દૂર નથી. તે 19 સપ્ટેમ્બરથી યુએઈમાં શરૂ થનારી IPL 2021 ના બીજા તબક્કામાં ચેન્નઈ સુપર કિંગ્સ (CSK) ની કેપ્ટનશીપ કરતો જોવા મળશે. ધોનીને આ જવાબદારી મળ્યા બાદ ટ્વિટર પર પોસ્ટ કરતા તેની આઈપીએલ ફ્રેન્ચાઈઝીએ ધોનીને ટાંકીને કહ્યું છે કે, ‘હું રાષ્ટ્રની સેવામાં છું અને બધાએ રાહ જોવી જોઈએ. રાષ્ટ્ર પ્રત્યે પ્રતિબદ્ધતા ચાલુ છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.