પહેલા વિલા, હવે હવેલી… મુકેશ અંબાણીએ દુબઈમાં 1352 કરોડોમાં ખરીદ્યું સૌથી મોંઘુ ઘર

દિગ્ગજ ભારતીય ઉદ્યોગપતિ અને એશિયાના બીજા સૌથી ધનિક વ્યક્તિ મુકેશ અંબાણી (Mukesh Ambani) એ પોતાનો જ રેકોર્ડ તોડ્યો છે. વાસ્તવમાં, રિલાયન્સ (Reliance Chairman) ના ચેરમેને ભૂતકાળમાં દુબઈ (Dubai) માં $80 મિલિયનમાં રહેણાંક મિલકત ખરીદી હતી અને હવે તેના કરતાં બમણી કિંમતે વૈભવી હવેલી ખરીદી છે. આ હવેલીની કિંમત લગભગ $163 મિલિયન જણાવવામાં આવી રહી છે.

$163 મિલિયન ડોલરનો સોદો
રિપોર્ટ અનુસાર મુકેશ અંબાણીએ થોડા મહિનામાં દુબઈમાં આ બીજી મોટી રિયલ એસ્ટેટ ડીલ કરી છે. રિપોર્ટમાં જણાવવામાં આવ્યું હતું કે ગયા અઠવાડિયે રિલાયન્સના ચેરમેને કુવૈતી ટાયકૂન મોહમ્મદ અલશાયાના પરિવાર પાસેથી લગભગ $163 મિલિયનમાં પામ જુમેરાહ હવેલી ખરીધી છે. જેમાં નામ ન આપવાની શરતે આ મામલાના એક નિષ્ણાતને ટાંકીને આ માહિતી આપવામાં આવી છે.

સૌથી મોટી ડીલમાં સામેલ છે આ ડીલ…
મુકેશ અંબાણીની આ ડીલને દુબઈની સૌથી મોંઘી રેસિડેન્શિયલ ડીલ તરીકે ઓળખવામાં આવી રહી છે. કુવૈત સ્થિત બિઝનેસ સમૂહ અલશાયા પાસે સ્ટારબક્સ, H&M અને વિક્ટોરિયા સિક્રેટ સહિતની મુખ્ય રિટેલ બ્રાન્ડ્સ માટે સ્થાનિક ફ્રેન્ચાઈઝી છે. તમને જણાવી દઈએ કે મુકેશ અંબાણીએ પામ જુમેરાહમાં પ્રોપર્ટી ખરીદ્યા બાદ દુનિયાના બીજા ઘણા અમીર લોકો આ વિસ્તારમાં પ્રોપર્ટી ખરીદવા માટે સ્પર્ધામાં ઉતર્યા છે.

રિપોર્ટ અનુસાર, મુકેશ અંબાણીએ દુબઈમાં જે જુમેરાહ હવેલી ખરીદી છે તે વિલાથી થોડે દૂર સ્થિત છે જે તેણે આ વર્ષની શરૂઆતમાં $80 મિલિયનમાં ખરીદ્યું હતું. અગાઉના બ્લૂમબર્ગના અહેવાલ મુજબ, 2022 ની શરૂઆતમાં, મુકેશ અંબાણીએ તેમના સૌથી નાના પુત્ર અનંત અંબાણીને પામ જુમેરાહ બીચ પર આ વિલા ખરીદ્યો હતો.