November 05, 2024
દેશની સૌથી મૂલ્યવાન કંપની રિલાયન્સ ઇન્ડસ્ટ્રીઝ સૌર ઉર્જામાં મોટો દાવ રમવાની તૈયારીમા છે.સૂત્રોના જણાવ્યા અનુસાર, રિલાયન્સ સોલર પેનલ બનાવતી યુરોપની સૌથી મોટી કંપની REC ગ્રુપ ખરીદવાની ખૂબ નજીક છે.આ માટે રિલાયન્સ ચાઇના નેશનલ કેમિકલ કોર્પ (ChemChina) સાથે વાતચીત કરી રહી છે.આ સોદો 1 થી 1.2 અબજ ડોલરમાં થઈ શકે છે.
આથી મુકેશ અંબાણીના નેતૃત્વવાળી રિલાયન્સને અદ્યતન ટેકનોલોજી અને વૈશ્વિક ઉત્પાદન ક્ષમતાઓમાં પ્રવેશ આપશે. કંપનીએ તાજેતરમાં ગ્રીન એનર્જી સેક્ટરમાં ઉતરવાની જાહેરાત કરી હતી. સૂત્રો અનુસાર,આ સોદા માટે 500 થી 600 મિલિયન ડોલર એકત્ર કરવા માટે વૈશ્વિક બેંકો સાથે વાતચીત ચાલી રહી છે. બાકીની રકમ ઇક્વિટી દ્વારા ઉભી કરવામાં આવશે. REC ગ્રુપનું મુખ્ય મથક નોર્વેમાં છે જ્યારે તે સિંગાપોરમાં રજીસ્ટર છે.
REC ગ્રુપ ચીનની સરકારી સંચાલિત કેમિકલ કંપની ChemChina નું આંતરરાષ્ટ્રીય સભ્ય છે. ChemChina પિરેલી ટાયર્સ અને સિન્જેન્ટામાં સૌથી મોટો હિસ્સો ધરાવે છે. આરઇસી ફોટોવોલ્ટેઇક એપ્લિકેશન્સ અને મલ્ટી-સ્ફટિકીય વેફર માટે સિલિકોન સામગ્રીનું ઉત્પાદન કરે છે. વધુમાં, કંપની સોલાર સેલ અને છત સ્થાપન,ઓદ્યોગિક અને સોલાર પાર્ક માટે મોડ્યુલોનું ઉત્પાદન કરે છે.
Trending News
ચીન પર સૌર ઉદ્યોગની નિર્ભરતાથી વિશ્વ પરેશાન છે. આ જ કારણ છે કે ભારત અને અમેરિકા જેવા મોટા ગ્રાહકો હવે સ્થાનિક કંપનીઓને પ્રોત્સાહન આપી રહ્યા છે અથવા પુરવઠાના સ્ત્રોતોને વૈવિધ્યીકરણ કરી રહ્યા છે. 2019 માં, જ્યારે સોલર પેનલ બનાવવા માટે વપરાતા પોલિસિલિકોનનો એક તૃતિયાંશ ભાગ ચીનના શિનજિયાંગ પ્રાંતમાંથી આવ્યો હતો. પરંતુ હવે રીન્યુ પાવર, અદાણી ગ્રુપ અને રિલાયન્સ ઇન્ડસ્ટ્રીઝે મોટા ઉત્પાદન પ્રોજેક્ટ્સની જાહેરાત કરી છે.
હાલમાં, દેશની સોલાર સેલ બનાવવાની ક્ષમતા દર વર્ષે 3 GW ની આસપાસ છે, પરંતુ 280 GW ના સોલાર લક્ષ્યને પહોંચી વળવા માટે આ અપૂરતું છે. સૂત્રોના જણાવ્યા અનુસાર, રિલાયન્સ અને આરઈસી વચ્ચેના સોદા અંગેની ઓપચારિક જાહેરાત થોડા અઠવાડિયામાં થઈ શકે છે. રિલાયન્સે આ બાબતે ટિપ્પણી કરવાનો ઇનકાર કર્યો હતો. REC ગ્રુપે પણ તેને મોકલવામાં આવેલા પ્રશ્નોનો જવાબ આપ્યો ન હતો. REC ની વાર્ષિક ક્ષમતા 1.5 GW છે. કંપનીએ 4 કરોડથી વધુ સોલાર પેનલ બનાવી છે.
REC ગ્રુપની સ્થાપના 1996 માં કરવામાં આવી હતી અને 2000 ના દાયકાની શરૂઆતમાં IPO સાથે બહાર આવી હતી. નબળી માંગને કારણે 2011-12માં કંપનીના પ્લાન્ટ્સ અને કામગીરી બંધ કરવી પડી હતી. વર્ષ 2013 માં REC માંથી બીજી કંપની રિન્યુએબલ એનર્જી કોર્પોરેશન ASA (REC સિલિકોન) ની રચના કરવામાં આવી હતી.2014 માં, ચાઇના નેશનલ બ્લુસ્ટારએ આરઇસી સોલરને 640 મિલિયન ડોલરમાં ખરીદ્યો હતો.તે એલ્કેમ સાથે મિશ્રિત હતું. 2011 માં, બ્લુસ્ટારે એલ્કેમને 2 અબજ ડોલરમાં ખરીદ્યો. તે યુરોપમાં ચીનનું સૌથી મોટું એક્વિઝિશન હતું.