સેલ્ફીની માયાજાળમાં બે હસતી રમતી જિંદગી હોમાઈ, સાસુ-વહુના મોતથી ગુજરાતી પરિવારમાં છવાયો માતમ

ગુજરાત(Gujarat): મૂળ સામખિયાળી(Samakhiyali)ના અને હાલ મુંબઈ(Mumbai)ના ઘાટકોપર(Ghatkopar)માં રહેતા અરવિંદભાઈ રણછોડભાઈ સોની પરિવાર સાથે મધ્યપ્રદેશ(Madhya Pradesh)ના પ્રખ્યાત ભેળાઘાટ(Bhelaghat) ફરવા માટે ગયા હતા. જ્યાં તેમના પત્ની અને થનાર પુત્રવધુનું અકસ્માતે નર્મદા નદીના તેજ પ્રવાહમાં સેલ્ફી લેવા જતા તણાઈ જવાને કારણે કરુણ મોત થયાની ઘટના સામે આવતા ચક્ચાર મચી જવા પામી છે. આ ઘટનાને પગલે કચ્છ અને મુંબઇ સોની સમાજમાં શોકની લાગણી છવાઈ જવા પામી હતી.

મધ્યપ્રદેશના તિલવાડા પોલીસ સ્ટેશનમાંથી મળતી વિગતો મુજબ, મુંબઈથી જબલપુર જિલ્લાના ફરવાલાયક સ્થળ ભેળાઘાટ ખાતે ફરવા માટે ગયેલા મૂળ સામખિયાળીના અને વર્ષોથી મુંબઈના ઘાટકોપરમાં રહે છે અને જવેલર્સનો વ્યવસાય કરી રહ્યા છે. અરવિંદભાઈ તેમના પત્ની હંસાબેન, પુત્ર રાજ અને થનાર પુત્રવધુ રિદ્ધિબેન ફરવાલાયક સ્થળ ભેળાઘાટ ફરવા માટે ગયા હતા. જ્યાં 50 વર્ષના હંસાબેન અને થનાર પુત્રવધુ 22 વર્ષના રિદ્ધિ પીંછડીયા હોટેલ ગોપાલ પાસે આવેલ જાહેર સ્થળ પર આવેલી એક પથ્થરની ચટ્ટાન પર ચડ્યા હતા અને મોબાઈલ ફોનમાં સેલ્ફી લઈ રહ્યા હતા.

આ દરમિયાન બન્નેએ સંતુલન ગુમાવતા નર્મદા નદીમાં સેલ્ફી લેતા લેતા પડી ગયા હતા. ઝડપભેર વહેતા પાણીમાં સાસુ અને થનાર પુત્રવધુ બન્ને તણાઈ ગયા હતા. ઘટનાના પગલે ઉપસ્થિત જન સમૂહમાં અફરાતફરી મચી જવા પામી હતી અને પાણીમાં વહેતા બન્ને મહિલાઓને બચાવવાના તમામ પ્રયાસો હાથ ધરવામાં આવ્યા હતા, પરંતુ તમામ પ્રયાસ નિષ્ફળ રહ્યાં હતાં. સાસુ હંસાબેનને બચાવ કામગીરી દરમિયાન કિનારે લાવવામાં આવ્યા હતા, પરંતુ તેમના શ્વાસ થંભી ગયા હતા. જ્યારે રિદ્ધિબેનનો મૃતદેહ કલાકોની જહેમત બાદ નદીમાંથી મળી આવતા ચકચાર મચી જવા પામી હતી. મૃતકમાં જે સાસુ છે એમનું પિયર પક્ષ અંજાર છે અને એમના ભાઈ અંજાર ખાતે રેસ્ટોરન્ટ ચલાવી રહ્યા છે.

ગોઝારી દુર્ઘટનાના સાક્ષી રહેલા પિતા પુત્ર ઘટના બાદ હોંશ ખોઈ બેઠા હતા. સ્થાનિક લોકો અને પોલીસે તેમને સાંત્વના અને હિંમત આપી માનસિક આઘાતમાંથી બહાર લાવવાના તમામ પ્રયાસો હાથ ધરવામાં આવ્યા હતા.  બન્ને મૃતકોના મૃતદેહોને વહીવટી પ્રક્રિયા બાદ સગા સંબંધી વર્ગ દ્વારા રૂબરૂ પહોંચી મુંબઇ પહોચાડવામાં આવ્યા હતા. જ્યાં અલગ અલગ સ્થળે સાંજે 6 વાગ્યે બંનેની અંતિમવિધિ કરવામાં આવી હતી.