રાષ્ટ્રગીતનું અપમાન કરનાર ‘દીદી’ સામે નોંધાઈ FIR- પહેલા બેસીને ગાયું અને પછી… -જુઓ વિડીયો

મુંબઈ પહોંચેલા પશ્ચિમ બંગાળના મુખ્યમંત્રી મમતા બેનર્જી(Mamata Banerjee) પર રાષ્ટ્રગીતના અપમાન(Insult to the national anthem)નો આરોપ લાગ્યો છે. ભારતીય જનતા પાર્ટી (BJP)ના એક નેતાએ તેમની સામે પોલીસ ફરિયાદ નોંધાવી છે. આરોપ છે કે સીએમ બેનર્જીએ બેસીને રાષ્ટ્રગીત ગાયું હતું. આ સિવાય બંગાળ ભાજપે પણ બુધવારે આ મુદ્દે બેનર્જી પર નિશાન સાધ્યું હતું. CM ત્રણ દિવસના પ્રવાસે મહારાષ્ટ્ર પહોંચ્યા છે. આ દરમિયાન તેમણે રાષ્ટ્રવાદી કોંગ્રેસ પાર્ટી અને શિવસેનાના નેતાઓ સાથે મુલાકાત કરી હતી.

સમાચાર એજન્સી ANI અનુસાર, મુંબઈ બીજેપીના એક નેતાએ સીએમ બેનર્જી પર કથિત રીતે રાષ્ટ્રગીતનું અપમાન કરવાનો આરોપ લગાવ્યો છે કે તેઓ બેસીને ગાઈને અને ‘4 કે 5 લીટી પછી બંધ થઈ ગયા’. એજન્સીના જણાવ્યા અનુસાર બુધવારે મુંબઈમાં પ્રેસ કોન્ફરન્સ દરમિયાન બેનર્જીએ રાષ્ટ્રગીત પૂરું કર્યું ન હતું અને વચ્ચે બેસી ગયા હતા. આ કોન્ફરન્સની થોડી જ મિનિટોમાં ઘણા રાજકારણીઓએ મુખ્યમંત્રીના આ વર્તનનો વિરોધ કર્યો હતો.

મહારાષ્ટ્ર બીજેપી નેતા પ્રતીક કાર્પેએ ટ્વિટ કર્યું, ‘શું આ રાષ્ટ્રગીતનું અપમાન નથી? જ્યારે સીએમ મમતા બેનર્જીએ બેસીને રાષ્ટ્રગીત શરૂ કર્યું ત્યારે ત્યાં હાજર કથિત બૌદ્ધિકો શું કરી રહ્યા હતા.તેમણે આરોપ લગાવ્યો કે સીએમ અચાનક અધવચ્ચે જ અટકી ગયા. બીજેપી નેતા અમિત માલવિયાએ ટ્વિટ કર્યું, ‘આપણું રાષ્ટ્રગીત આપણી રાષ્ટ્રીય ઓળખનું શક્તિશાળી પ્રદર્શન છે. જાહેર હોદ્દા ધરાવનારાઓ ઓછામાં ઓછું જે કરી શકે છે તે તેનું અપમાન નથી…’