November 24, 2024
મુંબઈ(Mumbai)ના માનખુર્દ(Mankhurd) વિસ્તારમાં સંતાકૂકડી રમતી એક 16 વર્ષની છોકરીના માથા પર લિફ્ટ પડી જવાથી તેનું મોત થયું હતું. પોલીસે આ કેસમાં બે લોકોની ધરપકડ કરી આગળની કાર્યવાહી હાથ ધરી છે. મળતી માહિતી મુજબ, 16 વર્ષની રેશ્મા ખરવી માનખુર્દની એક સોસાયટીમાં રહેતી તેની દાદીના ઘરે ગઈ હતી.
‘બારીમાંથી બહાર જોયું તો લિફ્ટ માથા પર પડી’
શુક્રવારે 28 ઓક્ટોબરના રોજ તે સોસાયટીમાં જ તેના મિત્રો સાથે સંતાકૂકડીની રમત રમી રહી હતી. રમતમાં, જ્યારે રેશ્માનો મિત્રો શોધવાનો વારો આવ્યો, ત્યારે તેણે એક બારીમાંથી ડોકિયું કર્યું, જે સીધી લિફ્ટમાં ખુલે છે. ઉપરથી લિફ્ટ આવતાં રેશ્માએ માથું બારીમાં નાખ્યું હતું અને લીપ સીધી તેના માથા પર પડી હતી. આ દુર્ઘટનામાં રેશ્માનું કરૂણ મોત નીપજ્યું હતું.
Trending News
‘લિફ્ટની બારીમાં કાચ કેમ લગાવવામાં આવ્યો ન હતો’
મૃતક રેશ્માના પરિવારજનોએ સમાજની બાબતો જોતા અધિકારીઓ પર બેદરકારીનો આરોપ લગાવ્યો છે. મૃતકના પિતા રવિ ખારવીએ જણાવ્યું હતું કે, હાઉસિંગ સોસાયટીના અધિકારીઓએ અકસ્માત ટાળવા માટે બારીમાં કાચ લગાવવા જોઈએ. પરિવારજનોએ આ અંગે પોલીસમાં ફરિયાદ કરી છે. પોલીસે FIR નોંધી છે.
સોસાયટીના ચેરમેન અને સેક્રેટરીની ધરપકડ:
માનખુર્દ પોલીસ સ્ટેશનના વરિષ્ઠ પોલીસ નિરીક્ષક મહાદેવ કોલીએ જણાવ્યું કે, આ મામલામાં હાઉસિંગ સોસાયટીના ચેરમેન અને સેક્રેટરીની ધરપકડ કરવામાં આવી છે અને તેમની પૂછપરછ કરવામાં આવી રહી છે. મૃતક રેશ્માનો પરિવાર મુંબઈના સાઠે નગરમાં રહે છે. તેના દાદી માનખુર્દમાં હાઉસિંગ સોસાયટીના પાંચમા માળે રહે છે. રેશ્મા દિવાળી ઉજવવા દાદી પાસે આવી હતી પરંતુ તે અકસ્માતનો શિકાર બની હતી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.