November 05, 2024
હાલમાં જ આગ્રા(Agra)માંથી એક ચકચારી ઘટના સામે આવી છે. મળતી માહિતી અનુસાર, અહીં સોમવારે આશિષ તોમરે તેની સાથે લગ્ન કરવાની ના પાડતા ખુશ્બુ નામની બી.કોમ.(B.Com)ની વિદ્યાર્થીનીનું આગરામાં તેના ઘરે ગળું દબાવી દીધું હતું. મૃતદેહને 35 કલાક સુધી પથારી નીચે સંતાડીને રાખવામાં આવ્યો હતો. પિતા મુકેશ તોમરને દુર્ગંધ આવવાની જાણ થતાં મંગળવારે રાત્રે ત્રણ વાગે બાઇક પર બેસાડી લાશને આબીદપુર(Abidpur) ગામ પાસે રોડની કિનારે મૂકી દીધી હતી. બુધવારે સવારે પોલીસને મૃતદેહ સળગતો મળ્યો હતો. મોડી રાત્રે મૃતદેહની ઓળખ પછી, પોલીસે ગુરુવારે ઘટનાનો ખુલાસો કર્યો અને આરોપી પિતા-પુત્રની ધરપકડ કરી.
પોલીસની પૂછપરછ દરમિયાન આરોપી આશિષે જણાવ્યું કે 30 મેના રોજ સોમવતી અમાવસ્યા હતી. માતા-પિતા સવારે ગંગામાં સ્નાન કરવા માટે રાજઘાટ ગયા હતા, તેમના ગયા બાદ તેણીએ ખુશ્બુને ફોન કરીને ઘરે બોલાવી હતી. સાંજે લગભગ ચાર વાગે લગ્નની વાત કરતાં ખુશ્બુએ ના પાડી. બંને વચ્ચે ઝઘડો થયો હતો, ગુસ્સામાં તેણે દુપટ્ટા વડે ખુશ્બુનું ગળું દબાવી હત્યા કરી હતી. હત્યા બાદ લાશને પલંગ નીચે સંતાડી દેવામાં આવી હતી. તે આખી રાત મૃતદેહ સાથે રહ્યો. બીજા દિવસે મંગળવારે સવારે માતા-પિતા આવ્યા હતા. 24 કલાક પછી શરીરમાંથી દુર્ગંધ આવવા લાગી. આ પછી પિતાની સાથે રાત્રે મૃતદેહનો નિકાલ કરવા આવ્યો હતો.
Trending News
જાણવા મળ્યું છે કે, 1 જૂનની સવારે પોલીસને આબીદગઢ નજીક પેટ્રોલિંગ દરમિયાન બાળકીનો મૃતદેહ પડ્યો હતો. શરીર બળી રહ્યું હતું. પોલીસે પાણીનો મારો ચલાવી આગ બુઝાવી હતી. અડધી બળેલી લાશને પોસ્ટમોર્ટમ હોમમાં રાખવામાં આવી હતી. બુધવારે રાત્રે મૃતકની ઓળખ ખુશ્બુ તરીકે થઈ હતી.
ખુશ્બુના પિતા વીરપાલ સિંહ મૂળ જલેસરના નાગલા નૈનસુખના છે. તેઓ એતમદૌલાની શાંતા કુંજ કોલોનીમાં પરિવાર સાથે રહે છે. ખુશ્બુ બે દીકરીઓમાં સૌથી મોટી હતી. તે કમલા નગર સ્થિત સંત રામકૃષ્ણ કન્યા મહાવિદ્યાલયમાં B.Com ના બીજા વર્ષની વિદ્યાર્થીની હતી.
30મી મેના રોજ સવારે નવ વાગ્યે તે પાડોશી સાથે કોલેજ જવા નીકળી હતી. જે બાદ તે ગુમ થઈ ગઈ હતી. 31 મેના રોજ પિતાએ ગુમ થયાની ફરિયાદ નોંધાવી હતી. વીરપાલ સિંહે પુત્રીની હત્યાનો કેસ દાખલ કર્યો હતો. જેમાં આરોપ છે કે નવનીત નગરનો રહેવાસી આશિષ તોમર લાંબા સમયથી પુત્રીને હેરાન કરી રહ્યો હતો. તે ખુશ્બુ પર લગ્નનું દબાણ કરી રહ્યો હતો. પરંતુ તેણે લગ્નની ના પાડી દીધી હતી. જેના આધારે આશીશે હત્યા કરી નાખી હતી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.