પાડોશીને ફસાવવા માટે દાદીએ નિર્દોષ પૌત્રીની કરી હત્યા- જાણો ક્યાંની છે ક્રુરતાભરી ઘટના

રાજસ્થાનના બારાંની એક દુ:ખદ ઘટના સામે આવી છે, જ્યાં એક દાદીએ તેની ત્રણ વર્ષની નિર્દોષ પૌત્રીને મોતને ઘાટ ઉતારી દીધી હતી. પોલીસે ખુલાસો કરતા જણાવ્યું હતું કે, આરોપી મહિલા પાણી ભરવા બાબતે પાડોશી સાથે ઝઘડો કરતી હતી અને તેણે બીજી પક્ષને હત્યામાં ફસાવવા માટે આ ઘટનાને અંજામ આપ્યો હતો.

આ કેસ બારાંના સદર પોલીસ સ્ટેશન વિસ્તારના બોરીના ગામનો છે, જ્યાં એક દાદીએ તેની નિર્દોષ પૌત્રીની હત્યા કરી હતી અને આ કેસમાં પાડોશીને ફસાવવાનું કાવતરું ઘડ્યું હતું. પોલીસે આરોપી મહિલાની ધરપકડ કરી છે. આ મામલે વધુ માહિતી આપતાં એસપી વિનીતકુમાર બંસલે જણાવ્યું હતું કે, 30 મેની રાત્રે પાણી ભરવા અને રસ્તાને લઇને સદર પોલીસ સ્ટેશન વિસ્તારના બોરીના ગામે બે પક્ષો વચ્ચે ઝઘડો થયો હતો. જે મામલો મારપીટ સુધી પહોંચ્યો હતો.

આ લડત દરમિયાન બંને પક્ષને ઇજા પહોંચી હતી. જેમાં અમરલાલ મોગ્યાની 3 વર્ષની પૌત્રીના માથામાં ઈજાના કારણે મોત નીપજ્યું હતું. આ પછી, યુવતીના માતા-પિતાએ બીજી તરફ પોલીસમાં ગુનો દાખલ કર્યો હતો અને એસએચઓ રમેશ કુમારમીનાએ તપાસ શરૂ કરી હતી. તપાસ દ્રારા જાણ મળ્યું છે કે, સરકારી ટ્યુબવેલ ઉપર પાણી ભરવાની વાત લઈને બંને પક્ષો વચ્ચે વિવાદ થયો હતો અને લડતમાં બંને પક્ષના લોકો ઘાયલ થયા હતા.

આ લડાઇમાં રામેશ્વર મોગ્યાની 12 વર્ષની પુત્રીના માથામાં વાગ્યું હતું અને બીજી બાજુ અમરલાલ મોગ્યાનો ભાઈ ધનરાજ અને પિતા લાતુરલાલને ઈજાઓ પહોંચી હતી. જ્યારે રામેશ્વર મોગ્યાએ તેની ઈજાગ્રસ્ત પુત્રી રાની વિશે રિપોર્ટ નોંધાવવા માટે પોલીસ સ્ટેશન જવાનું શરૂ કર્યું હતું ત્યારે અમરલાલની માતા કનકબાઈએ તેનો વિરોધ કર્યો હતો અને રિપોર્ટ આવે તો પરિણામ ભોગવવાની ધમકી આપી હતી.