સુરતના ઉધના વિસ્તારમાં ધોરણ 12માં ભણતા યુવકની હત્યા, CCTV આવ્યા સામે, જુઓ વિડીયો

ગુજરાતના સુરત શહેરના ઉધના વિસ્તારમાં શુક્રવારે ખૂની ખેલ ખેલાયો. ઉધના પાસેના નાગસેન નગરમાં રહેતા 17 વર્ષના બારમાં ધોરણમાં અભ્યાસ કરતા રોહિત પર બેન સાથે પ્રેમસંબંધની શંકામાં મુકેશ નામના 18 વર્ષના છોકરાએ ચપ્પુના ઘા મારી ભાગી ગયો હતો. આ અંગે ટ્યુશનના સ્થળે આજુબાજુવાળાએ આ જોતા રોહિતને સિવિલ હોસ્પિટલમાં દાખલ કર્યો, જ્યાં મોડીરાતે તેનું મૃત્યું થયું હતું. સમગ્ર મામલે પોલીસે હત્યાનો ગુનો નોંધીને તપાસનો ધમધમાટ શરૂ કર્યો છે. રોહિતનો પરિવાર આ સાંભળીને હક્કો બક્કો રહી ગયો હતો. ટ્યુશનનું કહીને ગયેલા દીકરાનું લોહીલુહાણ શરીર ઘરે આવતા માતાનું આક્રંદે સૌના કોઈના હૈયે ફાળ પાડી હતી.

મૃતક યુવક

પેટમાં ચપ્પુના ઘા ઝીંકાયા

મળતી માહિતી મુજબ, ઉધના પાસે આવેલા નાગસેન નગરમાં રોહિત દશરથ બાવીસકર નામનો યુવાન ધોરણ બારમાં અભ્યાસ કરે છે. તે વિષ્ણુનગર-1 પાસે બારમાં ધોરણના ટ્યુશનમાં જતો હતો. શુક્રવારે તે ટ્યુશનેથી છુટ્યો ત્યારે મુકેશ પીંપળે નામના 18થી 19 વર્ષના યુવાને માથા અને પેટમાં ચપ્પુના ઘા મારી ભાગી ગયો હતો. રોહિતને ઢળી પડેલો જોઈ આજુબાજુવાળા દોડી આવતા તેને સિવિલમાં દાખલ કરાયો હતો, જ્યાં મોડીરાતે તેનું મોત થયું હતું. આ અંગે પોલીસને જાણ કરાતા તપાસ દરમિયાન જાણવા મળ્યું કે, મુકેશને રોહિત ઉપર તેની બહેન સાથે અફેર હોવાનો વહેમ હતો.