સુરતમાં 10 વર્ષીય બાળકી સાથે દુષ્કર્મ કરી હત્યા કરનાર નરાધમને કોર્ટે દોષિત જાહેર કર્યો- આજે સજા સંભળાવશે

સુરત(Surat): શહેરમાંથી અવારનવાર દુષ્કર્મના કેસો સામે આવતા રહે છે. ત્યારે સુરતના પાંડેસરા(Pandesara) વિસ્તારના પ્રેમનગરમાં 10 વર્ષીય બાળકી પર કરવામાં આવેલ દુષ્કર્મને લઈને આજે કોટમાં ચુકાદો આવવાનો છે. જેમાં જે નરાધમ દ્વારા આ પ્રકારનું કૃત્ય આચરવામાં આવ્યું છે તેનો આજે સુરત કોર્ટ(Surat Court) દ્વારા મહત્વનો ફેંસલો લેવામાં આવશે.

10 વર્ષીય બાળકી પર દુષ્કર્મ આચરનાર નરાધમ દિનેશ ભેસાણને કોર્ટ દ્વારા ફાંસી અથવા તો જનમટીપ(આજીવન કેદ)ની સજા કોર્ટ દ્વારા ફટકારવામાં આવશે. આરોપી દિનેશ ભેસાણએ બાળકીનું અપહરણ કર્યા બાદ તેને 7 વાર માથામાં ઈંટ મારીને હત્યાને અંજામ આપ્યો હતો.

બાળકીના શરીર પર નરાધમ દ્વારા 40 જેટલા ઘા માર્યાના નિશાન મળી આવ્યા હતા. ત્યારે આ પ્રકારનું ખરાબ કૃત્ય આચરનાર નરાધમને આજે સુરતની કોર્ટ ફાંસી આપશે કે આજીવન કેદની સજા એ તો આવનારા સમયમાં ખબર પડશે.