કાળા તડકામાં પાણીના એક એક ટીપા માટે વલખાં મારી રહ્યા છે લોકો – જુઓ કેવી રીતે પાણી માટે બે મહિલાઓ બાખડી પડી

સુરેન્દ્રનગર(ગુજરાત): તાજેતરમાં સુરેન્દ્રનગર(Surendranagar) જીલ્લાના લીંબડી(Limbdi)ના નાની કઠેચી(Kathechi) ગામમાં લોકો પીવાના પાણી માટે વલખા મારે છે. જ્યાં તંત્ર દ્વારા ટેન્કરો(Tankers) દ્વારા પાણીની ફાળવણી કરવામાં આવતી હોય તેવા દ્રશ્યો જોવા મળે છે. એશિયાનું સૌથી મોટું પમ્પિંગ સ્ટેશન(Asia’s largest pumping station) ધરાવતા જિલ્લાના નાના કઠેચી ગામમાં પીવાના પાણીની અછતના કારણે લોકોને ઉનાળામાં વેચાતું પાણી ખરીદવાની ફરજ પડે છે.

જાણવા મળ્યું છે કે, વિઠ્ઠલગઢથી ખાસ યોજના હેઠળ નાની કાથેચી ગામમાંથી પાઈપલાઈન દ્વારા પીવાનું પાણી પહોંચાડવામાં આવતું હતું. આ દરમિયાન પાઈપલાઈનમાંથી પાણીની ચોરીના કારણે નાની કાથેચી ગામમાં પીવાનું પાણી પહોંચતું ન હોવાનો આરોપો કેટલાક લોકો કરે છે. આથી નાની કાથેચીના ગ્રામજનોને વેચાતું પાણી લેવું પડે છે. આ અંગે ગ્રામજનો દ્વારા સંબંધિત વ્યવસ્થા માટે અનેક રજૂઆતો કરવા છતાં કોઈ પરિણામ ન આવતા લોકોમાં રોષ જોવા મળ્યો છે.

પછાત ઝાલાવાડ વિસ્તારમાં કાળઝાળ ગરમી શરૂ થતાં જ મહિલાઓ વચ્ચે બેડા યુદ્ધના દ્રશ્યો જોવા મળે છે. આકાશમાંથી વરસતા અગનગોળાઓના પ્રખર તડકામાં, મહિલાઓને ભરબપોરે માથે બેડા ઊંચકી પીવાના પાણીના એક-એક ટીપાં માટે વલખા મારે છે. ત્યારે સુરેન્દ્રનગર જીલ્લાના લીંબડીના નાના કાથેચી ગામે ટેન્કર દ્વારા પાણી ભરવા માટે પડાપડીની સાથે પાણી માટે યુદ્ધ જેવી વિકટ પરિસ્થિતિ જોવા મળી રહી છે.

 

View this post on Instagram

 

A post shared by Trishul News (@trishulnews)