November 24, 2024
કોરોના મહામારી(Corona Epidemic) દરમિયાન, ભારત(India)માં આકસ્મિક મૃત્યુ(Accidental Death) અને આત્મહત્યા(Suicide)ના કેસમાં વધારો થયો છે. જો કે, વર્ષ 2020 સંબંધિત નેશનલ ક્રાઈમ રેકોર્ડ બ્યુરો (NCRB) દ્વારા રજૂ કરવામાં આવેલ રિપોર્ટ ઘણો ચોંકાવનારો છે. NCRBના રિપોર્ટ અનુસાર, વર્ષ 2020 દરમિયાન જ્યાં આત્મહત્યાના કેસોમાં વર્ષ 1967 પછી સૌથી મોટો ઉછાળો જોવા મળ્યો છે, ત્યાં માર્ગ અકસ્માતોમાં નોંધપાત્ર ઘટાડો થયો છે. આત્મહત્યા કરનારા વિદ્યાર્થીઓ અને નાના ઉદ્યોગકારોની સંખ્યા ઘણી વધારે છે. આ NCRB રિપોર્ટ જાન્યુઆરીથી ડિસેમ્બર 2020 સુધીનો ડેટા દર્શાવે છે. રિપોર્ટ અનુસાર, આ એક વર્ષમાં આત્મહત્યાના 153,052 નવા કેસ નોંધાયા છે, જે 1967 પછી સૌથી વધુ છે.
વર્ષ 2020 સંબંધિત નેશનલ ક્રાઈમ રેકોર્ડ બ્યુરો (NCRB) દ્વારા રજૂ કરવામાં આવેલા રિપોર્ટ પર નજર કરીએ તો તે દર્શાવે છે કે દેશમાં આત્મહત્યાના કેસ ઝડપથી વધી રહ્યા છે. છેલ્લા એક વર્ષમાં દેશમાં 153,052 આત્મહત્યાના કેસ નોંધાયા છે. વર્ષ 2019થી આ સંખ્યામાં 10%નો વધારો થયો છે. ચોક્કસપણે, વસ્તીના હિસ્સા તરીકે આવા મૃત્યુનો દર અભૂતપૂર્વ નથી. આત્મહત્યા દ્વારા મૃત્યુની સંખ્યા જ્યારે પ્રતિ લાખ વસ્તી માટે સમાયોજિત કરવામાં આવે છે, ત્યારે વર્ષ 2020 માં 11.3 ટકા હતી. આવી સ્થિતિમાં, પૂછવું જરૂરી છે કે શું લોકડાઉનના તણાવને કારણે આત્મહત્યાના કેસમાં વધારો થયો છે. જ્યારે રિપોર્ટમાં વિદ્યાર્થીઓ અને પ્રોફેશનલ્સનો ડેટા જોવામાં આવે તો કહી શકાય કે હા, લોકડાઉનનો તણાવ આ માટે જવાબદાર છે. જણાવી દઈએ કે કોરોના મહામારી દરમિયાન 68 દિવસના લાંબા લોકડાઉનને કારણે લોકોને ભારે હાલાકી ભોગવવી પડી હતી. આ દરમિયાન ન તો શાળા-કોલેજો ખોલવામાં આવી કે ન તો દુકાનો ખોલવાની મંજૂરી આપવામાં આવી.
7 ઓક્ટોબરના રોજ શિક્ષણ મંત્રાલય દ્વારા બહાર પાડવામાં આવેલા અહેવાલમાં જાણવા મળ્યું છે કે, ભારતમાં 29 મિલિયન વિદ્યાર્થીઓ હજુ પણ ડિજિટલ ઉપકરણોની ઍક્સેસ ધરાવતા નથી. ઓનલાઈન શિક્ષણ ચાલુ રાખવા માટે સંસાધનો મેળવવામાં અસમર્થતાને કારણે વિદ્યાર્થીઓએ આત્મહત્યા કરી હોવાના ઘણા અહેવાલો છે. દર વર્ષે આત્મહત્યા કરતા વિદ્યાર્થીઓની સંખ્યા કુલ આંકડાના 7 થી 8 ટકા હતી, જે વર્ષ 2020માં વધીને 21.2 ટકા થઈ ગઈ છે. આ પછી, વ્યાવસાયિક લોકોની સંખ્યા લગભગ 16.5 ટકા, દૈનિક વેતન મેળવનારાઓની સંખ્યા 15.67 ટકા અને બેરોજગારોની સંખ્યા 11.65 ટકા હતી.
Trending News
રિપોર્ટમાં એ પણ દર્શાવવામાં આવ્યું છે કે, પગારદાર વ્યાવસાયિકો કરતાં નાના વેપારીઓને વધુ નુકસાન થયું છે. વિક્રેતાઓ અને વેપારીઓના આત્મહત્યાના મૃત્યુમાં અનુક્રમે 26.1 ટકા અને 49.9 ટકાનો વધારો થયો છે. આ તમામ આંકડા દર્શાવે છે કે શિક્ષણ ચાલુ રાખવામાં મુશ્કેલી અને રોગચાળાને કારણે થયેલા નાણાકીય નુકસાનની ભારતને ભારે કિંમત ચૂકવવી પડી છે.
દેશમાં 68 દિવસના લોકડાઉન દરમિયાન, શહેરની નિર્જન શેરીઓની ઘણી તસવીરો વાયરલ થઈ હતી. જેના કારણે માર્ગ અકસ્માતોની સંખ્યામાં મોટો ઘટાડો થયો છે. ADSIના રિપોર્ટ અનુસાર, માર્ગ અકસ્માતમાં થતા મૃત્યુમાં 11 ટકાનો ઘટાડો થયો છે. વર્ષ 2020માં 374,397 આકસ્મિક મૃત્યુ થયા હતા. આ 2009 પછીનો સૌથી ઓછો આંકડો છે જ્યારે આવા મૃત્યુની સંખ્યા 357,021 હતી. 2019ની સરખામણીમાં આવા મૃત્યુમાં 11.1%નો ઘટાડો થયો છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.