પૃથ્વી બાજુ આવી રહ્યો છે સ્ટેચ્યુ ઓફ યુનિટી કરતા 9 ગણો ઉલ્કાપીંડ- નાસા એ જણાવ્યું ક્યારે પહોચશે

Asteroid coming towards earth: અવારનવાર ઉલ્કાપિંડ પૃથ્વી નજીકથી પસાર થતા હોય છે ત્યારે હાલમાં આવી જ એક જાણકારી સામે આવી છે. સમગ્ર વિશ્વની સૌથી ઊંચી પ્રતિમા ‘સ્ટેચ્યૂ ઓફ યુનિટી’ કરતાં 9 ગણો મોટો એક ઉલ્કાપિંડ(Asteroid coming towards earth) પૃથ્વીની ખૂબ પાસેથી પસાર થવા માટે જઈ રહ્યો છે.

અમેરિકાની અંતરિક્ષ એજન્સી નાસા (NASA)ના જણાવ્યા મુજબ, 21 જાન્યુઆરી નાં રોજ આ ઉલ્કાપિંડ ધરતીની ખૂબ જ પાસેથી પસાર થશે. આની સાથે જ એજન્સી દ્વારા એવી પણ સ્પષ્ટતા કરવામાં આવી છે કે, આ ઉલ્કાપિંડથી પૃથ્વીને કોઈ જ જોખમ નથી. એમ છતાં NASAએ એને સંભવિત જોખમવાળો ઉલ્કાપિંડ તરીકે પણ ગણાવ્યો છે. આ ઉલ્કાપિંડની શોધ વર્ષ 2001માં કરવામાં આવી હતી. આ ઉલ્ડાપિંડ પૃથ્વીથી અંદાજે 12 લાખ કિમી દૂરથી પસાર થશે.

21 જાન્યુઆરીના રોજ એ પૃથ્વીની સૌથી નજીક હશે :
આ ઉલ્કાપિંડ અંદાજે 0.8થી 1.7 કિમીનો વ્યાસ ધરાવે છે. જે પૃથ્વીથી અંદાજે 12 લાખ કિમી અંતરથી પસાર થશે. અલબત્ત, અવકાશી દૃષ્ટિકોણથી જોઈએ તો આ અંતર ખુબ નજીક માનવામાં આવે છે. આ અંતર ચંદ્ર તથા પૃથ્વી વચ્ચે રહેલા અંતર કરતાં 5 ગણું છે.

જે પ્રતિ કલાક 1,24,000 કિમી ઝડપથી પસાર થશે. NASAના મત પ્રમાણે 500 મીટરથી વધું કદ ધરાવતા તથા પૃથ્વીથી 75 લાખ કિમીથી ઓછા અંતરથી પસાર થતા એસ્ટેરોયડ આપણી પૃથ્વી પર જીવન માટે જોખમની શક્યતા ધરાવે છે.