વૈજ્ઞાનિકોએ શોધી કાઢી પ્લાસ્ટિક નાશ કરવાની ટેકનોલોજી, હવે વર્ષો નહિ કલાકોમાં થશે પ્લાસ્ટિકનો નાશ!

સામાન્ય રીતે પ્લાસ્ટિક (Plastic)ને કુદરતી રીતે વિઘટિત થવામાં સેંકડો વર્ષ લાગે છે, પરંતુ જર્મની (Germany)ના વૈજ્ઞાનિકો (Scientists)એ હવે એક અત્યંત અસરકારક એન્ઝાઇમ(Enzyme) શોધી કાઢ્યું છે જે પ્લાસ્ટિકના ઘટકોને અમુક જ કલાકોમાં તોડી નાખે છે. વિશ્વભરમાં પ્લાસ્ટિક પ્રદૂષણની ગંભીર સ્થિતિને જોતા આ શોધને ગેમ ચેન્જર તરીકે જોવામાં આવી રહી છે.

કબ્રસ્તાનમાં એન્ઝાઇમ મળી આવે છે:
પોલિએસ્ટર હાઇડ્રોલેઝ (PHL7) નામનું એન્ઝાઇમ તાજેતરમાં જર્મન કબ્રસ્તાનમાં ખાતરને શોષી લેતું મળી આવ્યું હતું. જર્મન વૈજ્ઞાનિકોએ શોધી કાઢ્યું કે, નવી શોધાયેલ PHL7 LLC કરતા ઓછામાં ઓછી બે ગણી ઝડપી છે. આ અંગેના પરિણામો હવે વૈજ્ઞાનિક જર્નલ ‘કેમસુસકેમ’માં પ્રકાશિત કરવામાં આવ્યા છે.

16 કલાકમાં પરિણામ આપે છે:
જર્મનીની લીપઝિગ યુનિવર્સિટીના માઇક્રોબાયોલોજિસ્ટ વોલ્ફગેંગ ઝિમરમેને જણાવ્યું હતું કે, આ એન્ઝાઇમ 16 કલાકથી ઓછા સમયમાં 90 ટકા પોલિઇથિલિન ટેરેફ્થાલેટનું વિઘટન કરવામાં સક્ષમ છે. તે વૈકલ્પિક ઉર્જા-બચત પ્લાસ્ટિક રિસાયક્લિંગ પ્રક્રિયાઓ સ્થાપિત કરવામાં મહત્વપૂર્ણ યોગદાન આપી શકે છે.

મદદ વગર કામ કરે છે:
વધુમાં, વૈજ્ઞાનિકોએ શોધી કાઢ્યું કે PHL7ને પ્લાસ્ટિકના વિઘટન માટે કોઈ પૂર્વ-સારવારની જરૂર નથી. તે પ્લાસ્ટીકને પીસ્યા કે ઓગાળ્યા વગર વિઘટન કરી શકે છે. આમ, PHL7 જેવા શક્તિશાળી ઉત્સેચકોમાંથી ઓછા કાર્બન અને પેટ્રોકેમિકલ્સનો ઉપયોગ કર્યા વિના, મહત્વપૂર્ણ PET પ્લાસ્ટિકની ટકાઉ રિસાયક્લિંગ પ્રક્રિયા અપનાવી શકાય છે.