સુરતમાં બૂટલેગર જેલમાંથી છૂટીને આવતા ફટાકડા ફોડીને ધામધૂમથી કરાયું સ્વાગત- વિડીયો થયો વાઈરલ

સુરત(ગુજરાત): સુરતમાં મોટા વરાછાના બૂટલેગર માંગીલાલ ગુજ્જરે પોલીસ પર હુમલો કર્યો હોવાનું જાણવા મળ્યું છે. અસામાજિક તત્વોએ પોલીસ પર હુમલાના કેસમાં જેલમાંથી છૂટીને આવતા જાહેરમાં…

સુરત(ગુજરાત): સુરતમાં મોટા વરાછાના બૂટલેગર માંગીલાલ ગુજ્જરે પોલીસ પર હુમલો કર્યો હોવાનું જાણવા મળ્યું છે. અસામાજિક તત્વોએ પોલીસ પર હુમલાના કેસમાં જેલમાંથી છૂટીને આવતા જાહેરમાં ફટાકડા ફોડીને સ્વાગત કર્યાનો વીડિયો વાઇરલ થયો છે. માંગીલાલ ઓલપાડ, અમરોલી, સાયણ પોલીસ સ્ટેશનમાં પણ ગુનાનો આરોપી હોવાનું જાણવા મળ્યું છે.

પીસીબી પોલીસના જણાવ્યા મુજબ, માંગીલાલ ગુજજર એક રીઢો આરોપી છે. અમરોલી સહિતના પોલીસ સ્ટેશનોમાં માંગીલાલની વિરુદ્ધ દારૂ વેચવાની, હત્યાના પ્રયાસ, મારામારી સહિતના અનેક ગુનાઓ નોંધાય છે. એકવાર સજા પણ ભોગવી આવ્યો છે. સ્થાનિક લોકોએ જણાવ્યું હતું કે, માથાભારે માંગીલાલ જેલમાંથી બહાર આવતા જ તેના સાથીઓએ ફટકાડા ફોડીને તેનું સ્વાગત કર્યું છે. જેના કારણે સમગ્ર વિસ્તારમાં ભયનો માહોલ ઉભો થયો છે. સામાન્ય અને વેપારીઓએ આવા વ્યક્તિઓને કારણે ડરીને રહેવું પડે છે.

અમરોલી વિસ્તારના પોલીસ પર મોટા વરાછાના બૂટલેગર માંગીલાલ ગુજ્જરે હુમલો કર્યો હતો. જેનો વીડિયો સોશલ મીડિયા પર વાઈરલ થઈ રહ્યો છે. બૂટલેગરોના આંતકને કારણે સ્થાનિક લોકોમાં રોષ જોવા મળે છે. આવા અસામાજિક તત્વો સામે પોલીસ કાર્યવાહી કરે તેની માગ લોકો કરી રહ્યા છે. બૂટલેગરો એટલી હદે બેફામ બન્યા છે કે, જેલમાં જઈ આવ્યા પછી પણ કોઈ પણ જાતની શરમ અનુભવતા નથી અને જે તે વિસ્તારમાં ફરીથી પોતાનો દબદબો રહે તેવો પ્રયાસ કરી રહ્યા છે.

નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news
અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો. 

Leave a Reply

Your email address will not be published. Required fields are marked *