તેલના ડબ્બા સાચવજો! સુરતમાં તેલના ડબ્બા ચોરી કરતો યુવક CCTVમાં ઝડપાયો

હાલ દેશમાં મોંઘવારી(inflation) ખુબ જ વધી રહી છે. તેમાં પણ ખાસ કરીને તેલ (Oil)ના ડબ્બાના ભાવ આસમાને પહોચ્યા છે. આ મોંઘવારીને કારણે હવે તેલના ડબ્બાઓ પણ ચોરી થવા લાગ્યા છે. જેને પગલે સુરત (Surat)માં અમરોલી(Amaroli) પોલીસે તેલના ડબ્બાની ચોરી કરતા ઈસમને ઝડપી પાડ્યો હતો. પોલીસે તેની પાસેથી અલગ અલગ બ્રાંડના 14 નંગ તેલના ડબ્બા કબજે કર્યા છે. હાલ આ અંગે વધુ તપાસ હાથ ધરવામાં આવી છે.

 

View this post on Instagram

 

A post shared by Trishul News (@trishulnews)

તેલના ડબ્બા મોંઘા થતાં ચોરોની પસંદગી બન્યા:
તેલની વધતી જતી કિંમતને કારણે ચોર હવે કિંમતી વસ્તુ સ્વરૂપે જાણે તેલના ડબ્બા ચોરી કરતા હોય તેવું લાગે છે. મળતી માહિતી અનુસાર, સુરતના અમરોલી વિસ્તારમાં કરીયાણાની દુકાનમાં તેલના ડબ્બાની ચોરી થવાની ઘટના સામે આવી હતી. જેથી અમરોલી પોલીસે આ મામલે તપાસ શરુ કરી હતી.

પોલીસે તપાસ દરમિયાન અમરોલી કોસાડ આવાસ ખાતે રહેતા અને મોબાઈલ રીપેરીંગના વ્યવસાય સાથે સંકળાયેલા આરોપી મોહમંદ અરબાઝ ગુલામ શાબીર શેખને ઝડપી પાડ્યો હતો. પોલીસે તેની પાસેથી અલગ અલગ બ્રાંડના 35 હજારની કિંમતના 14 નંગ તેલના ડબ્બા કબજે કર્યા હતા. આ અંગે પોલીસ દ્વારા જણાવાયું હતું કે, આરોપી શહેરમાં અલગ અલગ કરીયાણાની દુકાનમાંથી તેલના ડબ્બા ચોરી કરવાની મોડેસ ઓપરેન્ડી ધરાવે છે.