હૃદય દ્રાવક ઘટના: 10 વર્ષીય દીકરાને સગા બાપે જ ટર્પેનટાઈન છાંટીને જીવતો સળગાવી દીધો- કારણ છે ખુબ ચોંકાવનારૂ

કોરોનાને કારણે થોડા સમય પહેલાં જ મહિનાઓ સુધી બંધ પડેલ શાળા-કોલેજોની ફરી એકવાર શરૂઆત થઈ ચુકી છે. આવા સમયમાં એક ખુબ વિચિત્ર ઘટના સામે આવી છે. હૈદરાબાદમાંથી એક હૃદય દ્રાવક ઘટના સામે આવી રહી છે. 10 વર્ષીય બાળકને તેના પિતાએ જીવતો સળગાવી દીધો હતો.

બાળકને ખુબ ગંભીર અવસ્થામાં હોસ્પિટલમાં દાખલ કરવામાં આવ્યો છે. બાળકે બીડી લાવવામાં વિલંબ કરતા ગુસ્સે ભરાયેલા પિતાએ તેને ઢોર માર માર્યો હતો. ત્યારબાદમાં તેને દીવાસળી ચાંપીને આગ લગાડી દીધી હતી. જેને લીધે માસુમને પોતાનો જીવ ગુમાવવાનો વારો આવ્યો છે.

બાળકે બિડીનું બંડલ લાવવામાં વિલંબ કર્યો હતો:
પોલિસ પાસેથી મળી રહેલ જાણકારી મુજબ આ ઘટના ગત રવિવાર રાતની છે કે, જ્યારે બાળકના પિતા આર.બાલુએ બીડીનું બંડલ લાવવામાં બાળકે વિલંબ કરતા તેમજ અભ્યાસમાં સારો દેખાવ ન કરતા સગા દિકરાને આગ ચાંપી દીધી હતી. બાળકને ગાંધી હોસ્પિટલમાં સારવાર હેઠળ રાખવામાં આવ્યો છે, જે 80% થી વધુ દાઝી ગયો છે તેમજ શરીરના અંગો ગંભીર રીતે નુકસાન પામ્યા છે.

પિતાએ કહ્યું: લોકડાઉનમાં દિકરો ભણતો ન હતો અને તોફાની થઈ ગયો હતો…
બાળકે મેજીસ્ટ્રેટ સમક્ષ આપેલ અંતિમ નિવેદનમાં આ હૃદય દ્રાવક ઘટનાની જાણ કરી હતી. બાળકે જણાવ્યું હતું કે, તેને પિતા બાલુ તેને આગ લગાડી તેનાં પહેલાં ખૂબ જ માર માર્યો હતો. પિતાએ પણ તેના ગુનાની કબૂલાત કરી લીધી છે. આની સાથે જ જણાવ્યા કહ્યું હતું કે, તેનો દિકરો લોકડાઉન વખતે ઓનલાઈન અભ્યાસમાં ધ્યાન આપતો ન હતો તેમજ ખૂબ તોફાની થઈ ગયો હતો.